अफगानिस्तानमा पछिल्लो ६ महिनामा दादुराका कारण कम्तीमा १ सय ६० जनाको ज्यान गएको विश्व स्वास्थ्य सङ्गठन (डब्ल्यूएचओ) ले जनाएको छ । डब्ल्यूएचओको प्रतिवेदन अनुसार जनवरी देखि जुलाई सम्मको ६ महिनामा ३६ हजार ६ सय १८ जनामा दादुरा सङ्क्रमण पुष्टि भएकोमा १ सय ६० जनाको ज्यान गएको हो ।
ज्यान गुमाउने मध्ये ८१ प्रतिशतभन्दा धेरै ५ वर्षमुनिका बालबालिका रहेका छन् । धेरै जसो घटनाहरू पूर्वी अफगानिस्तानको खोस्ट प्रान्तमा रेकर्ड गरिएका छन् ।
मृत्युको प्रमुख कारण दादुरा बारे चेतनाको अभाव, स्वास्थ्य सुविधामा पहुँचको अभाव, बालबालिकालाई खोप नदिने र केही दुर्गम क्षेत्रहरूमा अफगानीहरू एक ठाउँबाट अर्को ठाउँमा बसाइँ सर्ने रहेको डब्ल्यूएचओको प्रतिवेदनमा उल्लेख रहेको छ ।
प्रतिक्रिया