चितवनको सिमलतालमा गत शुक्रबार पहिरोमा परी त्रिशूली नदीमा बेपत्ता भएका दुई बसका यात्री मध्ये हाल सम्म १९ शब फेला परेकोमा १४ जनाको सनाखत भएको छ । बेपत्ता बस र यात्रुको खोजीमा खटिएको सशस्त्र प्रहरीले बाँकीको खोजी कार्य जारी रहेको जानकारी दिनुभयो ।
भारतका ऋषिपल साह, चितवनका विकास परियार, सर्लाहीका रमित कुशर माझी, भारतका जयप्रकाश ठाकुर, भारतकै सजाद अन्सारी, चितवनका सुदिप विक, बाराका परमानन्द पण्डित र रौतहटका किशोरकुमार चौधरीको सनाखत भएको छ ।
यसैगरी रौतहटका अशोककुमार यादव, ऋषिकुमार सिंह, भारतका विवेक कुमार, सर्लाहीका जितेन्द्रराम महरा, पर्साकी चन्द्रप्रभा कुमारी र रौतहटकी अमृता कुमारीको शव सनाखत भएको छ । अन्य पाँचजना पुरुषको सनाखत हुन बाँकी छ ।
गत शुक्रबार बिहान वीरगञ्जबाट काठमाडौँतर्फ आउँदै गरेको बागमती प्रदेश ०३–००६ ख १५१६ नम्बरको एञ्जल डिलक्स र काठमाडौँबाट गौरतर्फ जाँदै गरेको बागमती प्रदेश ०३–००१ ख २४९५ नम्बरको गणपती डिलक्सको बस पहिलोमा परी त्रिशूली नदीमा बेपत्ता भएका थिए । दुवै बसमा गरी ६५ यात्रु रहेको थिए । बसमा सवार रौतहटका नन्दन दास, जुगेश्वर यादव र सरोजकुमार गुप्ताले हाम फालेर ज्यान जोगाएका थिए ।
यसैबीच, सिमलताल घटना अध्ययन गर्न गृहमन्त्रालयले गठन गरेको कार्यदललाई विभिन्न क्षेत्रका प्रतिनिधिले नयाँ प्रविधिबाट बेपत्ता यात्रु र बसको खोजी गर्न सुझाव दिएका छन् ।
प्रतिक्रिया