बजार चलायमान बनाउने गरी मौद्रिक नीतिको मस्यौदा तयार

काठमाडौं । बजार चलायमान बनाउने गरी नेपाल राष्ट्र बैंकले मौद्रिक नीतिको मस्यौदा तयार पारेको छ । राष्ट्र बैंकको बोर्ड बैठकबाट पारित भएसँगै मौद्रिक नीति सार्वजनिक गर्ने तयारी छ ।

राष्ट्र बैंकका गभर्नर महाप्रसाद अधिकारीले आज बिहानै बोर्ड बैठक बोलाउनुभएको हो । बैठकमा मौद्रिक नीति र अन्य एजेन्डा रहेको बताइएको छ । आजै मौद्रिक नीति सार्वजनिक गर्ने तयारी रहेको राष्ट्र बैंकका एक अधिकारीले जानकारी दिनुभयो । मस्यौदा केही परिवर्तन हुन सक्ने ती अधिकारीले बताउनु भयो ।

बजार चलायमान बनाउन आवश्यक नियामकीय नीतिमा लचिलो हुँदै निजी क्षेत्र र बैंकर्सको समस्या सम्बोधन गर्नेमा मौद्रिक केन्द्रित हुने अधिकारीहरूले बताएका छन् । परिस्थिति सुहाउँदो मौद्रिक नीति आउने अधिकारीहरूको दाबी रहेको छ ।