अज्ञात समूहद्धारा धारिलो हतियार प्रहार गरी पूर्वराज्यमन्त्री रामचन्द्र रायको हत्या

सर्लाहीमा पूर्वराज्यमन्त्री रामचन्द्र रायको हत्या भएको छ । चन्द्रनगर गाउँपालिका वडा नम्बर १ स्थित घरमा रायको हत्या भएको हो ।

अज्ञात समूहले धारिलो हतियार प्रयोग गरी गएराति रायको हत्या गरेको सर्लाहीका प्रहरी प्रवक्ता डिएसपी दीपक श्रेष्ठले जानकारी दिनुभयो । प्रहरीका अनुसार रायको टाउमा धारिलो हतियार प्रहार भएको देखिएको छ ।

८० वर्षीय राय राप्रपाबाट ३० वर्षअघि भूमिव्यवस्था राज्यमन्त्री बन्नुभएको थियो । रायको हत्या सम्बन्धमा अनुसन्धान भइरहेको प्रहरीले जनाएको छ ।