सरकारी जागिरमा लागू गरिएको आरक्षणको विरोधमा उत्रिएका बंगलादेशका विद्यार्थीहरुले ४८ घण्टा सम्मलाई आन्दोलन फिर्ता लिएका छन् । आइतबार बंगलादेशको सर्वोच्च अदालतले आरक्षण प्रणाली खारेज गरे सँगै उनीहरुको यस्तो निर्णय सोमबार आएको हो ।
आन्दोलनपछि खुला जागिर ४४ प्रतिशत बाट बढाएर ९३ प्रतिशत बनाएको छ । तैपनि आन्दोलन जारी छ । यसैले आन्दोलनको मुल मुद्दा आरक्षण विरोधी देखिए पनि यो आन्दोलन शेख हसिना सरकारको विरोधमा आएको प्रतिकार आन्दोलनको रुपमा पनि व्याख्या गरिएको छ ।
विद्यार्थीरुले कर्फ्यू हटाउनु पर्ने, इन्टरनेट सेवा सुचारु गर्नु पर्ने लगायतका माग छ । यी माग राखेर दुई दिने अल्टिमेटम सहित आन्दोलन स्थगत गरेको विभिन्न अन्तराष्ट्रिय समाचार संस्थाले जनाएको छ । गत जेठबाट सुरु भएको विद्यार्थी आन्दोलनमा १५० बढीको मृत्यु भएको छ ।
यसअघि , बङ्गलादेशको राजधानी ढाकामा आरक्षण विरोधी प्रदर्शनमा केही विपक्षी दलका नेता सहित कम्तीमा ५३२ जनालाई पक्राउ गरिएको थियो ।
प्रतिक्रिया