महिला एसिया कप अन्तर्गत समूह चरणको अन्तिम खेलमा आज नेपालले भारतसँग प्रतिष्पर्धा गर्दै छ ।
खेल नेपाली समय अनुसार बेलुका सवा ७ बजे श्रीलंकाको दाम्बुला स्टेडियममा सुरु हुनेछ । १–१ खेल बाँकी रहँदा समूह ए मा नेपाल र पाकिस्तानको समान २–२ अंक रहेको छ ।
भारतले २ खेल जितिसकेको छ भने युएईले २ खेलमा हार बेहोरेको छ । पछिल्लो खेलमा पाकिस्तानसँग पराजित भएको नेपाललाई सेमिफाइनलमा पुग्नका लागि आजको खेल जित्नै पर्ने दबाब छ ।
यद्यपि, भारतलाई हराउन सहज नरहेको खेल विश्लेषकहरू बताउँछन ।
प्रतिक्रिया