२२ चैत्र २०८१, शनिबार | Sat Apr 5 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

breaking


अमेरिकामा विमान दुर्घटना, जंगलमा भीषण आगलागी



अमेरिकाको व्योमिङको जंगल क्षेत्रमा विमान दुर्घटना भएको छ। दुर्घटनाका कारण जिलेट नगर नजिकै फैलिएको १० एकडको जंगलमा आगो लागेको छ । क्याम्पबेल काउन्टीका अधिकारीले सोशल मीडियामार्फत उक्त दुर्घटनाको जानकारी दिएका छन्। दुर्घटना जिलेट नगर नजिकै भएको थियो।

क्याम्पबेल काउन्टी अन्डरशेरिफ क्वेन्टिन रेनल्ड्सले दुर्घटना हुनुपूर्व विमानका चालकले विमानमा गडबडी भएकाले आपत्‌को अवस्थामा रहेको जानकारी दिएका थिए। चालकको सूचना आए लगत्तै विमान दुर्घटनामा परेको थियो। विमान करिब १० हजार फिटको उचाइमा रहेका वेला दुर्घटनाग्रस्त भएको थियो।

दुर्घटनास्थल नजिकै धुवाँको मुस्लो देखेपछि स्थानीय बासिन्दाले फोनमार्फत प्रशासनलाई जानकारी दिएका थिए। अधिकारीहरूले विमान दुर्घटनाका कारण जंगलमा भीषण आगलागी भएको बताएका छन्। विमानमा चढेका यात्रीका बारेमा कुनै जानकारी उपलब्ध हुन सकेको छैन। सबै यात्री मरेको आशंका गरिएको छ।

कैयौँ मीडियाले विमानमा ७ जना रहेको दावी गरेका छन्। विमानले नेब्रास्कामा इन्धन भरेको थियो। नेब्रास्का सिटी एयरपोर्टका व्यवस्थापकले उक्त विमानमा २०० ग्यालेन इन्धन भरेको जानकारी दिएका छन्।

प्रकाशित मिति : १२ श्रावण २०८१, शनिबार  ३ : ३५ बजे