२०८१ साउन १३ गते । पेरिस ओलम्पिक २०२४ अन्तर्गत आज नेपालका दुई खेलाडीले प्रतिष्पर्धा गर्दै छन् । सुटिङकी सुस्मिता नेपाल र पौडीकी डुवाना लामाले आज प्रतिष्पर्धा गर्ने छन् । सुस्मिताले १० मिटर एयर राइफलमा प्रतिस्पर्धा गर्ने छिन् भने डुवानाले हिट चरणमा प्रतिस्पर्धा गर्ने छिन् ।
यसैबीच, गए राति भएको खेलमा टेवल टेनिसका स्यान्टु श्रेष्ठ र ब्याडमिन्टन स्टार प्रिन्स दाहाल सोझो सेटमा पराजित भएका छन् । २४ वर्षीय श्यान्टु सेनेगलका खेलाडी ३२ वर्षीय इब्राहिम डियाबसँग ४–० ले पराजित भएसँगै प्रतियोगिताबाट बाहिरिएका छन् ।
यस्तै, नेपालका ब्याडमिन्टन स्टार प्रिन्स दाहाल पनि समूहको पहिलो खेलमा सोझो सेटमा पराजित भएका छन् । समूह ‘पी’ मा रहेका प्रिन्स विश्व वरियतामा दोस्रो नम्बरमा रहेका डेनमार्कका भिक्टर एक्सेलसन विरुद्ध सोझो सेटमै पराजित भएका हुन् । प्रिन्सले अझै दुई खेल खेल्न बाँकी रहेको छ ।
ओलम्पिकमा नेपालका स्यान्टु र प्रिन्स सहित जुडोकी मनिता श्रेष्ठ प्रधान, एथलेटिक्सकी सन्तोषी श्रेष्ठ, पौडीका एलेक्स शाह र डुवाना लामा तथा सुटिङकी सुस्मिता नेपाल सहभागी छन् ।
प्रतिक्रिया