सीमलताल पहिरोमा परी त्रिशूली नदीमा बेपत्ता भएका बससहित यात्रु नभेटिएपछि भारतीय टोली फर्किएको छ । त्रिशूलीमा बेपत्ता २ वटा यात्रुबाहक बस खोज्न गत शनिवार १२ जनाको भारतीय टोली नेपाल आएको थियो । लगातार अत्याधुनिक प्रविधिसहित त्रिशूलीका विभिन्न ठाउँमा हराएका खोज्दा पनि नभेटिएपछि भारतबाट आएको टोली फर्किएको सशस्त्र प्रहरी बलले जनाएको छ ।
यसअघि हिजो बस खोज्न भारतीय टोलीले ल्याएको चुम्बक नै हराएको थियो । भारतीय टोली फर्किए पनि नेपाली उद्धार टोलीले भने खोजी कार्य जारी राख्ने जिल्ला प्रहरी कार्यालय चितवनका डिएसपी श्रीराम भण्डारीले जानकारी दिनुभयो । असार २८ गते बिहान सीमलतालमा गएको पहिरोले बगाउँदा त्रिशूलीमा खसेर २ वटा यात्रुबाहक बस बेपत्ता छन् ।
दुबै बसमा रहेका कुल ६५ यात्रुमध्ये ३ जना हामफालेर बाँचेका थिए । जसमध्ये २५ जनाको शव भेटिएको छ भने ३७ यात्रु अझै बेपत्ता छन् । खोजीमा आएका आफन्त पनि केही उपलब्धि नभएपछि निराशा हुँदै घर फर्किएका छन् ।
प्रतिक्रिया