स्याङ्जा : स्याङ्जामा बोलेरो जीप दुर्घटना हुँदा चार जना घाइते भएका छन्। जिल्लाको भिरकोट नगरपालिका-४ दर्वङठाँटीबाट वालिङ जाँदै गरेको ध १ ज २६ नम्बरको जिप दुर्घटनामा परेको हो।
जीप सडकवाट १० मिटर तल खसेको प्रहरीले जनाएको छ। दुर्घटनामा घाइते भएका चारै जनालाई प्राथमिक स्वास्थ्य केन्द्र वालिङमा लगिएको थियो। घाइते भएका भिरकोट-४ का २८ वर्षीया धन बहादुर राना र ५१ वर्षका इन्द्र बहादुर थापाको अवस्था सामान्य रहेको र उपचार पछि दुवैजना घर फर्किएका छन्।
चालक ३६ बर्षका चित्र बहादुर राना र ७२ बर्षकी शोभा थापालाई थप उपचारका लागि मणिपाल अस्पताल पोखरा पठाइएको जिल्ला प्रहरी कार्यालय स्याङ्जाका सूचना अधिकारी इन्द्र बहादुर रानाले जानकारी दिनुभयो।
प्रतिक्रिया