रुसका राष्ट्रपति भ्लादिमिर पुटिनले अमेरिकाले जर्मनी वा युरोपका अन्य स्थानमा क्षेप्यास्त्र तैनाथ गर्ने आफ्नो मनसाय पुष्टि गरेमा मध्यम दूरीका आणविक हतियारको उत्पादन पुनः शुरु गर्ने चेतावनी दिएका छन् । उनले अहिले रुसमा यस्ता धेरै प्रणालीको विकास अन्तिम चरणमा रहेको बताका छन्।
पाँच सयदेखि पाँच हजार पाँचसय किलोमिटरको बीचमा मार हान्न सक्ने क्षेप्यास्त्रहरू सन् १९८७ मा अमेरिका र सोभियत संघले हस्ताक्षर गरेको हतियार नियन्त्रणसम्बधी सन्धिको विषय थियो । तर, अमेरिका र रुसले सन् २०१८ मा मध्यम दूरीको आणविक बल सन्धिबाट फिर्ता लिएर एक अर्कामाथि उल्लंघनको आरोप लगाएका थिए ।
पछि रुसले अमेरिकाले विदेशमा क्षेप्यास्त्र तैनाथ नगरेसम्म मध्यमदुरीको क्षेप्यास्त्रहरूको उत्पादन शुरु नगर्ने बताएको थियो ।
प्रतिक्रिया