पर्वत–चन्द्रागिरि समाज विगत ५ वर्षदेखि सामाजिक कार्यमा सक्रिय रहर्दै आएको छ । काठमाडौं जिल्ला चन्द्रागिरि नगरपालिकामा पर्वतबाट आई स्थायी रुपमा बसोबास गरेकोहरु यस समाजमा आवद्ध भई मानविय तथा सामाजिक कार्यमा सक्रिय रहदै आएका हुन । २०७७ सालमा स्थापित यस समाजले काठमाडौंमा विभिन्न समस्यामा परेका जिल्लाबासीहरुलाई सहयोग गर्दै आएको पर्वत–चन्द्रागिरि समाजका अध्यक्ष प्रेम क्षेत्रीले बताउँनुभयो ।
चन्द्रागिरि नगरपालिका भित्र बसोवास गर्ने दूई सय भन्दा बढि घर परिवार आवद्ध रहेको समाजले मृत्यु संस्कार, उत्सव एवम् विभिन्न कार्यका साथै अटिजम, बैद्धिक अपाङ्गता केयर सेन्टरका लागि सहयोग गर्दै आएको छ । समाजमा आवद्ध सदस्य तथा परिवारमा जन्मदिन एवम् शुभकार्यको अवसरमा अटिजम केयर सेन्टरलाई सहयोग गर्ने अभियानै थालेको छ । यति मात्र होइन समाजले सेवाका साथै पर्यावरणीय संरक्षण तथा सम्र्वद्धनमा समेत उतिकै सक्रियता जनाउँदै आएको छ ।
विगत वर्षदेखि चन्द्रागिरि नगरपालिकाको वातावरणमा केही हदसम्म भएपनि संरक्षण गर्ने अभियान अन्तर्गत बृक्षा रोपण कार्यक्रम सम्पन्न गरेको छ । समाजका अध्यक्ष क्षेत्रीले नगरपालिका भित्र रहेको कुनै पनि सार्वजनिकस्थल खाली नराखी वातावरणीय संरक्षण तथा स्वच्छ हावाका लागि पर्वत–चन्द्रागिरि समाज, लायन्स कल्ब काठमाण्डौं प्राइम र जुपिटारको सयुक्त आयोजनामा चन्द्रागिरि–१० विन्ध्यबासिनी मन्दिर परिसरमा वृक्षारोपण गरिएको बताउँनुभयो ।
विभिन्न प्रजातिका धार्मिक महत्वका विरुवाका साथै जडिबुटीजन्य चौडा पाते फलफूलका विरुवा रोपीएको समाजले जनाएको छ । समाजले वार्षिक कार्ययोजना तालिका नै बनाए तीज कार्यक्रम, वनभोज कार्यक्रम, वृक्षा रोपण, अटिजम सेन्टरलाई सहयोग, रक्तदान कार्यक्रम लगायतका सामाजिक कार्यहरु गर्दै आएको छ ।
कार्यक्रममा पर्वत–काठमाण्डौं सम्पर्क समितिका सभापति ओम शर्मा चापागाई, प्रदेश संसद यमुना देवी श्रेठ, नगर प्रमुख धनश्याम गिरिलगायत स्थानीयहरुका साथै विभिन्न सामाजिक व्यक्तित्वहरुको सहभागिता रहेको थियो ।
प्रतिक्रिया