महिला उत्प्रेरण विकास मञ्चद्धारा सञ्चालित अटिजम, बौद्धिक अपाङगता केयर सेन्टरलाई विभिन्न क्षेत्रमा सक्रिय व्यक्तित्वहरुले सहयोग गरेका छन् । चन्द्रागिरी नगरपालिका वडा नम्बर १२ बलम्बु काठमाडौंमा सञ्चालनमा रहेको यस सेन्टरको दोस्रो वार्षिकउत्सवको अवसरमा सहयोग गरेका हुन ।
सेन्टरको दोस्रो वार्षिकोत्सव कार्यक्रमको अवसरमा बजेट कार्यन्वयनमा सरोकारवाला निकायको भूमिका तथा सम्मान कार्यक्रममा साहित्यकार, समाजसेवी तथा प्रसिद्ध भागवत कथा वाचिकाले समेत सहयोग गरेका हुन ।
कार्यक्रममा लमजुङ दुराडाँडा स्थायी घर भई पोखरा महानगरपालिका–१० रामघाट हुँदै हाल अमेरिका निवासी साहित्यकार/लेखक एवम् समाजसेवी तिर्थराज अधिकारी र उहाँकी धमपत्नी सिता अधिकारीले ५० हजार रुपैयाँ सहयोग हस्तान्तरण गर्नुभएको हो ।
अधिकारी दम्पतीले अटिजम भएका बालबालिकाहरूको हेरचाह, आधारभूत शिक्षण तथा सिकाई कार्यमा सहयोग होस भनेर आर्थिक सहयोग गरेको बताउँनुभयो । कार्यक्रममा साहित्यकार अधिकारीले अटिजम भएका बालबालिकालाई हेरचाह गर्नु भनेको निकै चुनौतिपूर्ण कार्य भएको भन्दै यस्तो थेरापी तथा केयर सेन्टरलाई राज्यले सहयोग गर्न पछि परेको धारण राख्नु भयो ।
उहाँले अटिस्टिक बालबालिकाको मनोभावना बुझेर राज्यस्तर र सामाजिक क्षेत्रबाटै स्विकार गर्न सकेमा मात्र यस्ता लाखौं बालबालिका जीवनयापनको मुल प्रभाहमा आउन सक्ने सुझाव दिर्दै समुदायस्तरबाटै सहयोगको खाँचो रहेको स्पष्ट पार्नुभयो । अटिजम केयर सेन्टरको स्थापना कालमा समेत ५० हजार रुपैयांँ सहयोग गरेर अधिकारीले अटिस्टिक महिलाहरुले थालेको चुनौतिपूर्ण कार्यलाई साथ दिनुभएको थियो । 
कार्यक्रममा पर्वत जिल्ला कुश्मा नगरपालिका वडा नम्बर २ घर भई हाल चन्द्रागिरि नगरपालिका वडा नम्बर ३ बस्ने पर्वत–चन्द्रागिरि समाजका सदस्य निश्चल क्षेत्रीले आफ्नो जन्मदिनको अवसरमा अटिजम केयर सेन्टरलाई २५ हजार रुपैयाँ सहयोग हस्तान्तरण गर्नुभएको हो । समाजसेवी भावका युवा निश्चलले आफ्नो जन्मदिनको अवसरमा समाजमा भजुल खर्च नगरि सकरात्मक सन्देश दिनको लागि बालबालिकाको क्षेत्रमा सक्रिया यस संस्थालाई सहयोग गरेको बताउँनुभयो । उहाँले साथीहरुलाई समेत विभिन्न उत्सवहरुमा सामाजिक कार्यका साथै अटिजम केयर सेन्टर बलम्बुलाई सहयोग गर्न आग्रह गर्नुभयो । आफ्ना समाजसेवी बुवा प्रेम क्षेत्रीबाट सर्दैव प्रभावित भएर सामाजिक कार्यमा लाग्ने गरेको बताउँनुभयो ।
वार्षिकोत्सव एवम् सम्मान कार्यक्रममा विश्वमै ८ वर्षको उमेर भागवत महापुराण प्रवचन गरी विश्वप्रसिद्धी प्राप्त गर्न सफल ९ वर्षिया बालविदुषी सुश्री अनुराधा पाण्डेयले अटिजम केयर सेन्टरका बालबालिकाहरुको दैनिकीमा केही सहयोग होस् भनेर आफुले प्रवचन भनेर प्राप्त गरेको दक्षिणाबाट ५ हजार रुपैयाँ सहयोग गर्नुभयो ।
वाचिका पाण्डेयले अटिजमका बारेमा यस सेन्टरको अवलोकन पछि थप ज्ञान प्राप्त गरेको भन्दै आगामी दिनमा समेत आफ्नो सहयोग र सदभाव यस सेन्टरप्रति रहिरहने प्रतिवद्धता व्यक्त गर्दै आफुले प्रवचनबाट प्राप्त गरेको केही दक्षिणा अटिजम केयर सेन्टर बलम्बु काठमाडौंका बालबालिकाको शैक्षिक विकासका लागि खर्च गर्ने बताउँनुभयो । यस सेन्टरमा अनुराधाका कान्छा मामालाई समेत अटिजम भएकाले सिकाईरत अभ्यासमा छन् ।
अटिजम भएकालाई सहयोग गर्न नगरपालिका प्रतिवद्ध छ : नगरप्रमुख गिरी
कार्यक्रममा चन्द्रागिरि नगरपालिकाका नगर प्रमुख घनश्याम गिरीले नगरपालिकाले यसअघि अपाङगता भएका व्यक्तिलाई मात्र सहयोग गर्दै आएकोमा यो वर्षदेखि अटिजम, बौद्धिक अपाङ्गता भएका व्यक्तिहरुलाई पनि सहयोग गर्ने प्रतिवद्धता व्यक्त गर्नुभएको छ । बजेट कार्यान्वयनमा सरोकारवाला निकायको भूमिका कार्यव्रmममा प्रमुख गिरीले यो वर्षदेखि तीन प्रकारका अपांगता भएका व्यक्तिहरुलाई छुट्टाछुट्टै तरिकाले नगरले सहयोग गर्ने स्पष्ट पार्नुभयो । अटिजम, बौद्धिक अपाङ्गतालाई समाजले रोगका रुपमा नभई एक फरक अवस्थाका रुपमा लिनुपर्ने भन्दै सरकारका साथै समाज र अभिावक समेत उनीहरुको बानीव्यहोरामा सुधारमा लाग्न जरुरी भएको बताउनुभयो ।
चन्द्रागिरि नगरपालिकाका उपप्रमुख बसन्ती श्रेष्ठले अभिभावकले उनीहरुको जीवन परिवर्तनका लागि समस्याको समाधान खोजी उनीहरुको भविष्य कसरी उज्ज्वल बनाउन सकिन्छ त्यसतर्फ सोच्न आग्रह गर्दै नगरपालिका साथमा रहेको प्रतिवद्धा व्यक्त गर्नुभयो । श्रेष्ठले बौद्धिक अपाङ्गगता भएका बालबालिका र उनीहरुका अभिभावकसँग नगरपालिका सधै साथमा रहेको बताउनु भयो । अटिजम केयर सेन्टरको लागि नगरपालिकाले बजेट विनियोजन गरेको भन्दै सहित उपयोगितामा लाग्न आग्रह समेत गर्नुभयो ।
कीर्तिपुर नगरपालिकाको कार्यबहाक नगर प्रमुख शुभलक्ष्मी शाक्यले बौद्धिक, अपाङ्गता भएका बालबालिकाको राम्रो हेरचाह गर्न सके उनीहरु साधारण व्यक्ति सरह हुने दाबी गर्नुभयो । उहाँले कीर्तिपुर नगरपालिकामा त्यस्ता व्यक्तिहरुले काम गरेर आम्दानी समेत गरेको बताउनु भयो । कार्यबहाक नगरप्रमुख शाक्यले अबको वर्षमा नगरपालिकाले बौद्धिक अपांगता भएका व्यक्तिहरुका लागि तालिमको व्यवस्था गरेकोले र उनीहरुलाई सवल र सक्षम बनाउन नगरपालिका लागि परेको बताउनु भयो । उहाँले चन्द्रागिरि नगरपालिकामा पनि त्यस्ता बालबालिका रहेकोले पीडित अभिभावकलाई स्थानीय सरकार भएको महसुस हुने गरी काम गर्न नगरप्रमुख र उपप्रमुखलाई आग्रह समेत गर्नुभयो ।
कार्यक्रममा मानसिक अस्पताल लगनखेलका बालबालिका तथा किशोरकिशोरी मनोरोग विशेषज्ञ डा. अमित झाले अटिजम रोग नभएर फरक क्षमता भएको भन्दै उहाँले टेलिभिजन, मोबाइल र अन्य विद्युतीय उपकरणको प्रयोगबाट अटिजम नहुँने स्पष्ट पार्नुभयो । उहाँले अटिजम मोबाइल धेरै हेरेर नहुने तर, अटिजमको लक्षण भएका बालबालिकाले मोबाइल डिभाइसको प्रयोग गर्दा अटिजमको तह भने बृद्धि हुनसक्ने जिकिर गर्नुभयो ।
कार्यक्रममा बौद्धिक अपाङ्गता भएका बालबालिकाले आफ्नो नृत्य समेत प्रस्तुत गरेका थिए । अटिजम, बौद्धिक अपाङ्गता भएका बालबालिकाको बारेमा समाचार, सूचना तथा लेख मार्फत सकारात्मक सन्देश प्रवाह गरेकोमा आवरन्यूज क्रिउका सम्पादक ज्ञानेन्द्र महत, गोरखापत्र दैनिकका उप–सम्पादक अजय शर्मा, नयाँ पत्रिकाका प्रविण देवकोटा र नागरिक दैनिकका सुबोध गौतमलाई कदरपत्रसहित सम्मान गरिएको थियो ।
साथै अटिजम केयर सेन्टर सञ्चालनको लागि सहयोग गर्ने महानुभावहरुका उच्च कर गर्दै विभिन्न क्षेत्रमा सक्रिय व्यक्तित्वहरुलाई सम्मान गरिएको थियो । हाल यस केयर सेन्टरमा एक वर्षको अवधिमा १२ जना अटिस्टिक बालबालिका सिकाईरत चरणमा रहेका छन् । यहाँ सबै अटिजम भएका अभिभावकहरु सक्रिय रहदै आएका छन् ।
प्रतिक्रिया