३१ साउन, काठमाडौं । यस वर्षको जेबी टुहुरे स्मृति सम्मान खुसिराम पाख्रिनलाई मरोणापरान्त प्रदान गरिने भएको छ । जेबी टुहुरे स्मृति फाउण्डेसनको बैठकले जेबी टुहुरे स्मृति सम्मान २०८१ बाट जनवादी गायक पाख्रिनलाई सम्मान गर्ने निर्णय गरेको हो ।
ईश्वरचन्द्र ज्ञवाली संयोजकत्वको तीन सदस्यीय सिफारिस समितिले तयार पारेको अन्तिम सूचीमध्येबाट पाख्रिनको नाम चयन गरिएको फाउण्डेसनकी अध्यक्ष निर्भिका टुहुरेले जानकारी दिइन् ।
आगामी भदौ १० गते जेबी टुहुरेको तेस्रो स्मृति दिवस तथा श्रष्टा सम्मान कार्यक्रम काठमाडौंको इच्छुक प्रतिष्ठानमा आयोजना हुँदै छ ।
जेबी टुहुरे स्मृति प्रतिष्ठानले २०७९ सालदेखि गीतसंगीतका क्षेत्रमा महत्वपूर्ण योगदान गर्ने विशिष्ट प्रतिभा, दीर्घ साधक र प्रगतिशील क्षेत्रका कलाकारहरुलाई जेबी टुहुरे स्मृति सम्मान प्रदान गर्दै आएको छ ।
प्रतिक्रिया