सुनचाँदीको भाउ घट्यो

नेपाली बजारमा आज आइतबार सुन र चाँदीको मूल्यमा गिरावट आएको छ।

नेपाल सुनचाँदी व्यवसायी महासंघका अनुसार, आज छापावाल सुनको भाउ प्रतितोला ६ सय रूपैयाँ घटेर एक लाख ५२ हजार तीन सय रूपैयाँमा कारोबार भइरहेको छ। शुक्रबार छापावाल सुन प्रतितोला एक लाख ५२ हजार नौ सय रूपैयाँमा कारोबार भएको थियो।

सुनसँगै चाँदीको मूल्य पनि घटेको छ। आज चाँदीको भाउ प्रतितोला २५ रूपैयाँ घटेर एक हजार सात सय ९५ रूपैयाँमा कारोबार भइरहेको छ। शुक्रबार चाँदीको भाउ प्रतितोला एक हजार आठ सय २० रूपैयाँ थियो।