गायक तथा मोडल युवराज चौलागाईकी श्रीमतीको हत्या भएको आरोप

लोक गायक तथा मोडल युवराज चौलागाईकी श्रीमतीको हत्या भएको आशका गरिएको छ । शुक्रबार राती चौलागाईकी श्रीमती सरिता चौलागाईको हत्या भएको आफ्न्तले आरोप लगाएका छन् । जोरपाटीमा आफ्नै घरमा उनी मृत भेटिएको माइती पक्षले बताएका छन् । उनको शरिरमा निल डाम समेत रहेको बताइएको छ । महाबौद्ध प्रहरीले घटनाको बारेमा छानबीन भैरहेको भन्दै अहिले नै केही हत्या कि आत्म हत्या भन्ने बारेमा भन्न नसकिने बताएको छ । युवराज चौलागाई घरजग्गा व्यवसायीका साथै इन्द्रेणी कार्यक्रममा आवद्ध रहेका छन् । मृतक सिरताका एक छोरा र एक छोरी छन् ।