लायन्स क्लव अफ चन्द्रागिरि नर्थ र चन्द्रागिरि सेन्ट्रलले अटिजम केयर सेन्टर बलम्बुलाई खाद्यन्न सहयोग गरेको छ । लायन्स क्लव अफ चन्द्रागिरि नर्थ र चन्द्रागिरि सेन्ट्रलले आफ्नो सामाजिक कार्य अन्तर्गत चन्द्रागिरि नगरपालिका वडा नम्बर १२ बलम्बुमा सञ्चालनमा रहेको अटिजम केयर सेन्टरलाई दैनिक उपभोग्य खाद्यन्न हस्तान्तरण गरेको हो । अटिजम सेन्टरलाई सञ्चालनमा थप सेवा होस भनेर आफुहरुले खाद्यन्न सहयोग गरेको लायन्स चन्द्र आचार्यले बताउनुभयो ।
खाद्यन्न हस्तान्तरण कार्यक्रममा लायन्सहरु उमेश गिरी, शिवहरी गिरी, चन्द्र आचार्य, रवि श्रेष्ठ, मदन कार्की, अजय सिलवाल, दिपक श्रेष्ठ, मनिष श्रेष्ठ, विष्णु गिरी, पुण्य महर्जन, मधुसुदन दंगाल, केदार भुसाल, मोहन पराजुली, मनिष श्रेष्ठलगायतको सहभागिता रहेको थियो ।
सेन्टरकी सञ्चालिका गिता घिमिरेले सहयोगी लायन्स क्लव अफ चन्द्रागिरि नर्थ र सेन्ट्रलका व्यक्तित्वहरुले अटिजम सेन्टरलाई सहयोग गर्नुले आफुहरुलाई थप हौसला मिलेको भन्दै धन्यवाद व्यक्त गर्नुभयो । घिमिरेले यसैगरी समुदायस्तरसम्म अटिजमका बारेमा जनसचेतना फैलिदै गएमा अन्य अभिभावकहरुले समेत आफ्नो बच्चाहरुलाई समस्यामा राख्न नपरी सिकाई प्रक्रियामा लैजान मद्दत पुग्ने विश्वास व्यक्त गर्नुभयो ।
यस सेन्टरमा महिला तथा अटिजम अभिभावकहरुले रकम संकलन गरी सेन्टर सञ्चालन गरेका हुन । यहाँ सबै शिक्षिकाहरु अटिजम अभिभावकहरु नै कार्यरत रहेका छन् । सेन्टर सञ्चालनको एक वर्षमा १३ जना बालबालिका शिक्षण सिकाई तथा दैनिक व्यवहार परिवर्तनमा सिकाईरत रहेका छन् ।
प्रतिक्रिया