श्रीपशुपतिनाथ ज्याेतिर्लिङ्गसहित १०८ शिवलिङ्गकाे गलकाेटमा प्राणप्रतिष्ठापन सम्पन्न

बागलुङ जिल्लाकाे गलकाेट बजारमा श्रीपशुपतिनाथ ज्याेतिर्लिङ्गसहित १०८ शिवलिङ्ग, विविध देवविग्रहहरूकाे प्राणप्रतिष्ठापन सम्पन्न भएकाे छ ।मातृभूमि नेपाल राष्ट्रका राष्ट्रदेव भगवान् पशुपतिनाथकाे ज्याेतिर्लिङ्गसहित शिवपाञ्चायन देवता, माता मनकामना, बटुक भैरव, श्रीरामदूत हनुमान् र पार्वतीवाहन सिंहराजकाे प्राणप्रतिष्ठा भएकाे हाे ।श्रीत्रिपुरेश्वर महादेव मन्दिर, परमानन्द सन्न्यास आश्रम रामकाेटधाम बिहुँकाेटका संरक्षक, श्राेत्रिय, ब्रह्मनिष्ठ, श्रद्धेय ब्रह्मचारी श्रीहंस चैतन्य गुरुज्यूका करकमलबाट देवविग्रहहरूकाे प्राणप्रतिष्ठा गरिएकाे हाे । प्राणप्रतिष्ठा सम्पन्न गरी आैपचारिक कार्यक्रमका बीच मन्दिर वडा कार्यालयलाई हस्तान्तरण गरिएकाे छ ।श्रीबेलबहादुर भण्डारी र आशा भण्डारीकाे परिवारकाे विशेष सहयाेग र पहलमा निर्मित गलकाेट शिवालय सनातनीहरूकाे अास्थाकाे धराेहरकाे रूपमा विकसित भइरहेकाे छ ।