सामाजिक अभियन्ता ऋषिकेश तिवारीको “गाँउ घरलाई सम्झेर आउँ आजै…” सन्देशमुलक गीत सार्वजनिक (भिडियाेसहित)

सामाजिक अभियन्ता ऋषिकेश तिवारीको “गाँउ घरलाई सम्झेर आउँ आजै…” सन्देशमुलक गीत सार्वजनिक
पर्वत जिल्लाका पूर्व सांसद तथा सामाजिक अभियान्ता ऋषिकेश तिवारीको “गाँउ घरलाई सम्झेर आउँ आजै…” बोलको गीत सार्वजनिक भएको छ । सामाजिक उद्यमशीलताका अभियान्ता तिवारीको परिकल्पना तथा शब्द रचनामा रहेको गीत सार्वजनिक भएको हो ।

अहिले हरेक दिन नेपालका युवा युवतीहरु विदेशीने क्रम जारी रहेको समयमा तिवारीले गाँउ घरलाई सम्झेर आउँ आजै बोलको गित सावर्जनिक गरेर गीत मार्फत केही आशा जगाउन खोज्नुभएको हो । सो गीतमा स्वर अञ्जान बाबु र सुस्मिता क्षेत्रीको रहेको छ भने लय अञ्जान बाबु र शब्द संयोजन सहयोगीका रुपमा धिरज नाथ हुनुहुन्छ ।

उद्यमशीलताबाट सामाजिक जनजीवनलाई कसरी परिवर्तन गर्न सकिन्छ भन्ने जनसचेतनामूलक उद्यमशीलताको आभास दिने गीतको बाध्यवाधनहरुमा खड्ग बुढा–मादल, सारङ्गगी–मनिष गन्धर्व, बाँसुरी–रत्न विक, गितार–सबिर कार्की, सहनाई–समिर जैरुको भूमिका रहेको छ । यस्तै समूह गायन तर्फ आरती विष्ट र सिता केसी रहेका छन् भने थेगो प्रह्लाद सुवेदीको छ ।
संगीत संयोजनमा सबिर कार्की, ध्वनी सम्पादनमा गोविन्द्र सोनी दृश्य सम्पादनमा ठाकुर सुवेदी रहेका छन् । यमन पौड्यालको निर्देशनमा तयार भएको गीत हुरी स्टुडियो कुपण्डोलमा रेकर्ड भएको हो । यो गीत पालिका अनलाईन डटकम समाचार पोट्ल तथा पालिका अनलाईन युटुव च्यानल मार्फत सार्वजनिक भएको छ ।
पर्वत सामुदायिक विकास संस्थाले गीत मार्फत प्रस्तुत गरिएको सामाजिक उद्यमशीलताको नमुनाका रुपमा सामुदायिक खाद्य प्रशोधन उद्योग सञ्चालन गरी उद्देश्यलाई सार्थकता दिएको सञ्चालक थानेश्वर भुसालको भनाई छ ।

अभियान्ता तिवारी ४ दशक अघिदेखि राजनीतिसंगै सामाजिक कार्यमा सक्रिय रहदैं आउनुभएको छ । तिवारीले सामाजिक उद्यमशीलताको क्षेत्रमा उल्लेखनीय योगदान पु¥याएको भन्दै राष्ट्रिय तथा अन्तर्राष्ट्रियस्तरका पुरस्कार समेत प्राप्त गरि सक्नु भएको छ ।
“गाँउ घरलाई सम्झेर आउँ आजै…” भन्ने बोलको सन्देशमुलक गीतमा कृषिलाई उद्योग र किसानलाई उद्यमी बनाइ गाउँमा बस्ने, कमाउने र रमाउने वातावरण कसरी जस्ता महत्वपूर्ण सूत्रहरुको बारेमा जानकारी समेत दिन खोजिएको छ ।
उहाँले लेखेको “सामाजिक उद्यमशीलता” नामक पुस्तकमा गाउँघरका साथै मुलुक कसरी समृद्धि बन्न सक्छ भन्ने विषयमा केन्द्रित रहेको छ ।
सार्वजनिक भएको गीतमा पर्वत जिल्लाको उद्यमशीलतालाई आधार बनाई छिट्टै भिडियो समेत छायाङकन हुने भएको छ ।