नेपाली भूमि लिपुलेकबारे भारत र चीनबीच भएको दुई देशीय सम्झौताको विरोधमा चन्द्रागिरिमा नेकपा माओवादी केन्द्रले निकालेको मसाल जुलुसमा नगर अध्यक्षसहित दर्जनौ नेता कार्यकता पक्राउ परेका छन् ।
गुर्जुधारा चोकमा निकालिएको मसाल जुलुमा माओवादी समर्थक नेता कार्यकर्ता तथा राष्ट्रवादी सयौ नागरिक सहभागी भएका थिए ।
माओवादीको नेतृत्वमा निकालिएको मसाल जुलुशलाई प्रहरीले नियन्त्रणमा लिई अध्यक्ष सुर्खेतीसहित दर्जनौ कार्यकता पक्राउ गरेको हो ।
शक्ति राष्ट्रले शान्तिप्रिय मुलुकको भूमिबारे गरेको दुई पक्षीय सम्झौता नेपालको राष्ट्रियता र सार्वभौमसत्तामाथिको नाङ्गो हस्तक्षेप भएको भन्दै भारतीय हस्तक्षेप बन्द हुनुपर्ने नारा लगाएका थिए । पक्राउ पर्नेमा अध्यक्ष गोपी सुर्खेती, पूर्वअध्यक्ष देवकृष्ण महर्जन, अनि पुनमगर, रोहन पुडासैनी, जनक ढुंगाना, सम्राट थापा, सानुकान्छा परियार र सुमित बस्नेत छन् ।
प्रतिक्रिया