सुनको भाउ एक हजार पाँच सय रुपैयाँले बढ्यो

काठमाडौं । शुक्रबार नेपाली बजारमा सुनचाँदीको भाउ बढेको छ। बिहीबार प्रतितोला तीन सय रुपैयाँ बढेको सुनको भाउ आज प्रतितोला एक हजार पाँच सय रुपैयाँ बढेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४८ हजार एक सय रुपैयाँमा कारोबार भइरहेको छ।

हिजो बिहीबार छापावाल सुन प्रतितोला एक लाख ४६ हजार छ सय रुपैयाँमा कारोबार भएको थियो।

त्यसैगरी, आज चाँदीको भाउ पनि बढेको छ। हिजो प्रतितोला १६ सय ९० रुपैयाँमा कारोबार भएको चाँदी आज प्रतितोला १७ सय ३० रुपैयाँमा कारोबार भइरहेको छ।

यो भाउ अघिल्लो दिनको तुलनामा प्रतितोला ४० रुपैयाँ बढेको हो।