कृषि विकास बैंक लिमिटेडले बाढी पहिरोमा परेकाहरुलाई सहयोगको लागि एक करोड ५० लाख रुपैयाँ हस्तान्तरण गरेको छ । बैंकले संस्थागत सामाजिक उत्तरदायित्व अन्र्तगतको रकम प्रधानमन्त्री केपी शर्मा ओली मार्फत हस्तान्तरण गरेको हो । प्रधानमन्त्री दैवी प्रकोप राहात कोषमा कृषि विकास बैंकले एक करोड ५० लाख रुपैयाँ दिएको बैंकका प्रमुख कार्यकारी अधिकृत गोविन्द गुरुङले बताउनुभयो ।
सहयोग हस्तान्तरण कार्यक्रममा कृषि विकास बैंक सञ्चालक समितिका अध्यक्ष तथा पूर्व सचिव रामशरण पुडासैनी, सञ्चालक समिति सदस्य तथा सहसचिव दिर्घराज मैनालीलगायतले हस्तान्तरण गर्नुभएको थियो ।
बैंकले सामाजिक उत्रदायित्व अन्र्तगतको रकम बाढी पिडितको राहातको लागि हस्तान्तरण गरिएको बैंकका उपमहाप्रवन्धक एवम बजार व्यवस्थापन प्रमुख यज्ञप्रकाश न्यौपानले बताउँनुभयो । मुलुकमा प्राकृतिक प्रकोपका कारण हजारौ मानिसहरु घरबहार विहिन भएको समयमा तत्कालका लागि केही राहात होस भनेर सहयोग गरेको न्यौपानेले बताउँनुभयो ।
प्रतिक्रिया