काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले प्राकृतिक विपद्को समयमा हुने खोज तथा उद्धारका लागि थप हेलिकप्टरसहितका उपकरण चाहिने ठहर गरेको छ ।
बिहीबार सिंहदरबारमा बसेको प्राधिकरणको कार्यकारी समितिको बैठकले विपद्का बेला खोज तथा उद्धार गर्न हेलिकप्टर अपुग भएको निष्कर्ष निकालेको बैठकपछि प्राधिकरणका सहसचिव वसन्त अधिकारीले जानकारी दिए । उनका अनुसार अनुसार थप हेलिकप्टर किन्न र खोज तथा उद्धारका लागि ती सामग्री किन्न प्रधानमन्त्री अध्यक्ष रहेकै प्राधिकरणकै राष्ट्रिय परिषद्लाई सिफारिस गरिएको छ ।
‘विपदमा खोज र उद्धारलाई प्रभावकारी बनाउन थप हेलिकप्टर चाहिएको हामीले महसुस ग¥यौं, अन्य उपकरणको पनि व्यवस्थापन गर्न भोलि बस्ने राष्ट्रिय परिषद्को बैठकलाई सिफारिस गरेका छौँ’, अधिकारीको भनाइ छ ।
प्रधानमन्त्री अध्यक्ष रहेको परिषद्को बैठक शुक्रवार बोलाइएको पनि अधिकारीले बताए । यस्तै कार्यकारी बैठकले यो वर्ष मनसुन अवधि (जेठ २८ देखि असोज २६ गतेसम्म) मा विपदबाट मृत्यु भएकाहरूको परिवारका एक सदस्यको बीमा गर्न पनि सिफारिस गरेको छ ।
त्यसैगरी गत वर्ष जाजरकोट, बझाङ र डोटीमा गएको भूकम्प पश्चातको विस्तृति अति आकलन तत्काल अघि बढाइ स्थायी निजी आवास पुनर्निर्माण प्रक्रियाको विस्तृत कार्य योजना तयार गर्न प्राधिकरणलाई निर्देशन दिने निर्णय समेत भएको छ ।
प्रतिक्रिया