टमाटर किलोको १५०, धनीको खानकी कुरिलो १२००, कालीमटीमा तरकारीको भाउ कति छ ?

काठमाडौं । कालीमाटी तरकारी बजारमा शुक्रबार अधिकांश तरकारीको भाउ बढेको छ । दसैंको बेला उच्चदरले बढेको तरकारीको भाउ केहि दिन अघि घट्न थालेको थियो । तर, तिहार नजिकिँदै गर्दा तरकारीको मूल्य पुनस् उकालो लाग्न थालेको छ ।

दिनहुँ भान्सामा नभइ नहुनेसहित केहि सर्वसुलभ मानिने तरकारीहरु जस्तै सानो गोलभेँडा, राजमा, लौका, परवर, घिरौंला, हरियो फर्सी, भिण्डी, बरेला, इस्कुस, च्याउ लगायतका तरकारीको भाउ अघिल्लो दिनको तुलनामा बढेको कालीमाटी तरकारी बजार विकास समितिले जनाएको छ ।

शुक्रवार स्थानीय सानो गोलभेँडा प्रतिकिलो १३०, भारतीय ठूलो गोलभेँडा १३०, टनेल सानो गोलभेँडा १५० रुपैयाँ प्रतिकिलो छ । रातो आलु ८५, भारतीय रातो आलु ६२, स्थानीय काउली १४०, लाम्चो भन्टा ६०, डल्लो भन्टा ९०, तने बोडी १२०, घिउ सिमी १००, टाटे सिमी ८० रुपैयाँ प्रतिकिलो मूल्य तोकिएको छ ।

लौका ६०, घिरौंला ८०, पाकेको फर्सी ७०, भिण्डी ९०, बरेला १००, रायो साग ८०, चमसुर साग २५०, पालुंग साग ८०, तोरीको साग ८० रुपैयाँ प्रतिकिलोमा कारोबार भएको छ ।

उच्च वर्गीयले खाने कुरिलोको भाउ भने किलोकै १२०० रुपैयाँ पुगेको छ । कन्य च्याउ १६०, डल्ले च्याउ ३२०, ब्रोकाउली २०० रुपैयाँ प्रतिकिलोमा कारोबार भइरहेको समितिले जनाएको छ ।

हेर्नुहोस मूल्य सूची