शाखा अधिकृतको लिखित परीक्षा विना कारण स्थगित

लोकसेवा आयोगले शाखा अधिकृतको लिखित परीक्षा विना कारण स्थगन गरेको छ । सोमबार एक सूचना जारी गर्दै आयोगले अर्को सूचना जारी नभएसम्मका लागि परीक्षा स्थगन गरेको जनाएको हो ।

आयोगले माघ १० गते तोकेको प्रथम चरण र चैत २१ गतेदेखि सञ्चालन हुने भनेको दोस्रो चरणको परीक्षा अर्को सूचना जारी नहुँदासम्मका लागि स्थगन गरेको जनाएको छ ।

सर्वोच्च अदालतको माघ २० गतेको जारी अन्तरिम आदेश कार्यान्वयनका लागि आयोगको सोमबार बसेको बैठकले परीक्षा कार्यक्रम स्थगित गर्ने निर्णय गरेको हो । परीक्षाको तयारी गरेको शैक्षिक वर्ग परीक्षा स्थगित संगै निरास बनेका छन् । शहरका विभिन्न क्षेत्रमा खर्च गरी अध्ययन गरेका परीक्षार्थी एक्कासी परीक्षा स्गगित भएपछि आर्थिक भारमा परेको गुनासो समेत गरेका छन् ।