पूर्वराजाका बाबुछोराको व्यवसायी दुर्गा प्रसाईंको महाअभियानलाई साथ

मेडिकल व्यवसायी तथा एमाले केन्द्रीय सदस्य दुर्गा प्रसाईंले धर्म र राष्ट्रियता बचाउने भन्दै सुरु गरेको अभियानमा पूर्वराजाको समेत सहभागिता रहेको छ । प्रसाईले सोमबार पूर्वी नेपालको झापा जिल्लाको नाकास्थित काँकडभिट्टाबाट अभियानको सुरुवात गरेका छन् । उनले ‘राष्ट्र, राष्ट्रियता, धर्म, संस्कार र नागरिक बचाउ महाअभियान’ सुरु गरेको जनाएका छन् ।

प्रसाईंको यो अभियान मेचीदेखि महाकाली पुगेर टुंगिने बताइएको छ। अभियानको उद्घाटनमा पूर्वराजा ज्ञानेन्द्र शाहले गरेका छन् । पूर्वराजपरिवारका सदस्यसहित सहभागी भएका शाहले दीप प्रज्ज्वलन गर्नुका साथै शान्तिको प्रतिक परेवा उडाएर सुरुवात गरेका हुन ।

सो कार्यक्रममा कहि पनि औपचारिक कार्यक्रममा सहभागी नहुने पूर्व युवराज पारस शाह समेत मञ्चमा बसेका छन् । सार्वजनिक कार्यक्रममा कमै देखिने शाह प्रसाईंले गरेको यो अभियानमा भने सार्वजनिक रूपमै देखिनुलाई राजनीतिक रुपमा निकै महत्वका साथ हेरिएको छ। तर, उनले कार्यक्रममा केही पनि सम्बोधन गरेन्न । पछिल्लो समय प्रसाईं राजतन्त्र र हिन्दु राष्ट्रको वकालत गर्दै आएका छन्।

सो कार्यक्रममा पनि प्रसाईंले गणतन्त्रविरोधी तर्क गरे। अहिलेको अवस्थामा गणतन्त्र काम छैन भन्ने अवस्थामा पुगेको उनले बताए। प्रसाईंले यो अभियान बैंक र वित्तीय संस्थाको आतंकविरुद्ध भएको समेत चेतावनी दिएका छन् । उनले बैंक र वित्तीय संस्थाका कारण नागरिकले आत्मदाह गर्नुपर्ने अवस्था आएकोले अभियान चलाएको बताए।