नेकपा एमालेका पुर्व अर्थमन्त्री भरतमोहन अघिकारीकी छोरी राष्ट्रिय स्वतन्त्र पार्टीकी केन्द्रिय सदस्य भएकी छन् । पार्टीले सोमबार केन्द्रीय समितिमा १६ जना थप गर्दा लिमा अधिकारीलाई समेत केन्द्रिय सदस्य बनाएको हो । उनी भरतमोहन अधिकारीकी माइली छोरी हुन् ।
व्यवसायमा आवद्ध रहेकी अधिकारी लामो समय नेकपा एमालेमा सक्रिय रहदै आएकी हुन । ठूलोबुबा पूर्व प्रधानमन्त्री मनमोहन अधिकारी र बुबा भरतमोहनले अगाडि बढाएको पार्टीमा २२ वर्ष संगठित सदस्य रहेकी उनी पछिल्लो समय माधव नेपालले एमाले विभाजन गरेर नयाँ दल बनाएपछि लिमा नेकपा एकीकृत समाजवादीमा आवद्ध थिइन् ।
उनले आफ्ना बुबाहरुले आम नागरिकका लागि बोकेको उद्देश्य कम्युनिष्ट पार्टीबाट पूरा हुने नदेखेपछि रास्वपा रोजेको बताकि छन् । उनी एमालेमा हुदाँ उद्योग विभागमा थिइन् ।
आफ्ना बुवाले तल्लो तहको जनताको उत्थानको उद्देश्य बोकेर राजनीतिक गरेपनि अहिले कम्युनिष्ट पार्टीले विगतको ठूलो योगदानलाई सम्बोधन गर्न नसकेको उनको विश्लेषण छ । कम्युनिष्ट पार्टीहरुले त्यो एजेन्डा नबोकेर आफूलाई मात्र बनाउनका लागि हामी जस्तोलाई भ¥याङका रुपमा मात्रै प्रयोग गरेको अनुभूति भएको भन्दै आफु नयाँ पार्टीमा लागेको स्पष्ट पारेकी छन् ।
एकीकृत समाजवादीको केन्द्रीय परिषद सदस्य समेत रहेकी अधिकारी ४ मंसिरको प्रतिनिधिसभा बैठकमा समानुपातिकतर्फको बन्दसूचीमा थिइन् । नेपाल चेम्बर अफ कमर्शको कार्य समिति सदस्य रहेकी उनी नेपाल पूर्वाधार विकास बैंकको निर्देशकसमेत छिन् ।
आफूमा देश र जनताको लागि केही गर्छु भन्ने हुटहुटी रहेको र रास्वपाको आर्थिक एजेन्डा समेत आफूलाई मन परेको अधिकारीको भनाइ छ । ‘अरु पार्टीले खाली घोषणापत्रमा मात्रै लेखेको तर सबै आफू बन्नलाई मात्रै तीन÷चार दशकदेखि हामी जस्ता मान्छेहरु भर्याङको रुपमा प्रयोग गरेको पाएकाले पनि रास्वपा रोजेँ’, उनले अनलाइन खवरमा बताएकी छन् ।
प्रतिक्रिया