ओठ फुट्न नदिन के गर्ने…

सुक्खा हुँदा ओठ फुट्ने गर्छ । त्यसैले यसलाई हाइड्रेट राख्नका लागि पानी प्रशस्तै पिउनुपर्छ ।
ओठमा पेट्रोलियम जेली लगाउनुपर्छ ।
तपाईंले ताजा घिउ पनि लगाउन सक्नुहुन्छ । यसले ओठको रगत पनि गुलाबी बनाउँछ र कालोपन भगाउँछ ।
मह र चिनी मिसाएर हल्का रगड्न सकिन्छ । एक मिनेट यसरी मसाज गर्नु राम्रो हुन्छ ।
घिउकुमारीको रसमा हल्का मह मिसाएर ओठमा मसाज गरेर १० मिनेपछि धुँदा पनि हुन्छ ।
थोरै केशरलाई पिसेर दूधमा मिसाउने अनि स्क्रब गर्ने गर्दा पनि हुन्छ ।
महलाई तपाईंले सीधै प्रयोग गर्न पनि सक्नुहुन्छ । त्यस्तै, नरिवलको तेल पनि लगाउन सकिन्छ ।
लिपस्टिक प्रयोग गर्नुअघि लिप बाम लगाउनुपर्छ ।
सस्तो लिपस्टिक प्रयोग गर्नुको साटो नेचुरल प्रडक्ट प्रयोग गर्नु राम्रो हुन्छ ।
आधा बोतल ग्लिसिरिन र दुईवटा कागती निचोरेर त्यसको रस मिक्स गरेर राख्नुस् र यसलाई दैनिक लगाउन सकिन्छ ।
गुलाफको थोरै पातलाई थोरै दूधमा रातभर भिजाएर राख्नुस् । बिहान यसको पेस्ट तयार गरेर ओठमा १० देखि २० मिनेटसम्म लगाउनुस् र धुनुस् ।