हास्य कलाकार म्याकुरी पक्राउ

हास्य कलाकार पवन खतिवडा म्याकुरी पक्राउ परेका छन्। मोरङ जिल्लाको बेलबारी नगरपालिका वडा नम्बर १ स्थित एक होटलबाट खतिवडालाई पक्राउ गरिएको प्रहरीले जनाएको छ । बेलबारी ४ का जीवन कार्कीलाई मादक पदार्थ सेवन गरी कुटपिट गरेको आरोपमा उनलाई नियन्त्रणमा लिइएको प्रहरीले जनाएको छ। होटलमा साथीहरूसँगै मदिरा सेवन गरी होहल्ला गर्दै कुटपिटमा उत्रिएपछि प्रहरीले उनलार्इ नियन्त्रणमा लिएको बताइएको छ । उनीसँगै रमेश भण्डारीलाई पनि प्रहरीले पक्राउ गरेको छ । वास्तविकता बारेमा थप अनुसन्धान भैरहेको प्रहरीले जनाएको छ ।

पीडित पक्षले इलाका प्रहरी कार्यालय बेलबारीमा आएर अहिलेसम्म जाहेरी भनेको दिएको छैन। दुवै पक्ष आएपछि छलफलको हुने र पीडितले जाहेरी दिएमा मात्र प्रहरीले कारबाहीको प्रक्रिया अगाडि बढाउने भएको छ ।

म्याकुरी उपनामबाट चर्चित पवनको आफ्नै युट्युब च्यानल छ। उनी हाँस्य कलाकारका रुपमा लोकप्रिय छन् ।