अनेरास्ववियु महाधिवेशनमा सहमति जुटेन, बिहिबार मतदान

नेकपा एमालेको भातृ संगडन अनेरास्ववियुको निर्वाचन प्रक्रिया अगाडि बढेको छ । नयाँ नेतृत्व चयनमा सहमति जुटाउने प्रयास नेतृत्वको प्रयास असफल भएपछि निर्वाचन प्रक्रिया अगाडि बढेने भएको हो । आज दिउँसो १ बजेदेखि नै निर्वाचन प्रक्रियाको कार्यतालिका भएपनि सहमतिका लागि प्रयास गर्दा ढिलाई भएको हो । तर, सहमतिका लागि नेताहरुले समय माग गरेपछि निर्वाचन कमिटीले कार्यतालिका अनुसार अगाडि बढ्न सकेको थिएन।
ुु
निर्वाचन प्रक्रिया अगाडि बढेसँगै अहिले मनोनयन दर्ताको प्रक्रिया चलेको छ । अध्यक्षका लागि तीन जनाले उम्मेदवारी दिएका छन् । जसमा वरिष्ठ उपाध्यक्ष आरसी लामिछाने, महासचिव समिक बडाल र उपाध्यक्ष मोती विक महेन्द्र रहेका छन् ।

कोषाध्यक्षमा संगम अर्यालले उम्मेदवारी दर्ता गराएका छन् । उनी सानै उमेर देखि विद्यार्थी राजनीतिमा सक्रिया रहदै आएका छन् । शिक्षा क्षेत्रमा देखा परेका दमाव समस्या र विकृतिलाई निरुत्याहित गर्न वास्तिवक विद्यार्थीहरुका समस्या बुुझेको नेतृत्वले माञ संगठन हाक्न सक्ने कोषध्यक्षका उम्मेदवार अर्यालले बताएका छन् । राजधानीमा उनले त्रि-चन्द्र कलेजलाई आधार बनाएर एमएसीसम्मको अध्ययन पुरा गरेका छन् ।
त्यस्तै अन्य पदका लागि मनोनयन दर्ता गराउने प्रक्रिया जारी छ ।

मनोनयनको काम सकिएपछि दाबी विरोधको समय दिइनेछ । उम्मेदवारहरुमाथि उजुरी गर्नको लागि समय दिइनेछ । त्यसपछि उम्मेदवारहरुको अन्तिम नामावली प्रकाशित गरिनेछ ।

बिहिबार बिहान ९ बजेदेखि मतदानको समय तोकिएको छ । आफ्नो मनोनयन दर्ता गराएसँगै उम्मदेवारहरुले महाधिवेशन प्रतिनिधिहरुसँग भोट माग्न थालेका छन् । आफ्ना एजेण्डाहरु प्रस्तुत गर्दै उनीहरुले आफुलाई भोट दिन अपिल गर्न थालेका हुन् ।

फागुन २ गतेदेखि सुरु भएको अनेरास्ववियुको ३ औं महाधिवेशनबाट १९९ सदस्यीय केन्द्रीय कमिटी निर्वाचित गरिनेछ । त्यस्तै विभिन्न तीनवटा आयोगका पदाधिकारीहरु समेत निर्वाचित गरिनेछ ।