चन्द्रागिरी नगरपालिका वडा नम्बर १ दहचोकस्थित ईन्द्रदह क्षेत्रमा सातौं ईन्द्रदह पर्यटन उत्सव मनाइएको छ । नेपाल एकीकरणको समयमा लडाईमा विरगती प्राप्त गर्ने तत्कालिन प्रधानसेनाएपति काजी कालु पाँडेको समाधिस्थलमा ईन्द्रदह पर्यटन उत्सव मनाइएको हो ।
ईन्द्रदह एकिकृत पर्यटन बिकास समितिको आयोजना र चनपा वडा नम्बर १ को व्यवस्थापनमा पयर्टकीय क्षेत्रमा कार्यक्रम सम्पन्न भएको हो । समितिका अध्यक्ष हरि शरण थापाले यो उत्सवले समग्ररुपमा यस क्षेत्रको पयर्टन पूर्वाधारमा टेवा पुुग्नुका साथै गन्तव्यका रुपमा विकास गर्न सहयोग पुुगेको बताए । अध्यक्ष थापाले ईन्द्रथान, दहचोक भ्यूुटावर, कोतघर, समाधिस्थलहरुको भ्रमणमा राष्ट्प्रमुख, सरकार पमुख, विभिन्न दलका प्रमुख तथा विभिन्न क्षेत्रमा आवद्ध विशिष्ट व्यक्तित्वहरुबाट अवलोकनको केन्द्र विन्दुुु बनेको भन्दै सरोकारवालाहरुले यसको विकासमा थप ध्यान दिनुपर्ने बताएका छन् ।
कार्यक्रमको उद्घाटन सांसद तथा पुर्ब मन्त्री कृष्णगोपाल श्रेष्ठले सातौं ईन्द्रदह पर्यटन उत्सवको उद्घाटन गरेका हुन । कालु पाँडेको शालिकमा पाल्यार्पण एवं समाधि स्थलमा पुष्पार्पण गर्दै शुरु भएको कार्यक्रममा चन्द्रगिरि नगर कार्यपालिका प्रबक्ता कृष्ण प्रसाद खड्गी, वडा नं। १ का अध्यक्ष हरि श्याम रानामगर, १ का पुर्व वडा अध्यक्ष राजेन्द्र केसीलगायतले ईन्द्रदह क्षेत्रको समग्र बिकास गरेर चन्द्रगिरि नगरकै नमुना पर्यटकिय गन्तब्यको रुपमा चिनाउनु पर्ने धारणा राखेका थिए । कार्यक्रमको संचालन सल्लाहकार अवन्ति सिग्देलले र स्वागत मन्तव्य उपाध्यक्ष दिनेस थापाले गरेको आयोजकले जनाएका छन् ।
कार्यक्रममा सांसद, नगरपालिकाका वडा अध्यक्ष तथा जनप्रतिनिधिहरु, विभिन्न राजनीतिक दलका प्रतिनिधि, समाजसेवी तथा स्थानीयहरुको सहभागिता रहेको थियो । यस क्षेत्रमा पूर्व प्रधानमन्त्री तथा एमाले अध्यक्ष केपी शर्मा ओली विगत ६ वर्षदेखि धमपत्नी राधिका शाक्यको साथमा हरेक वर्ष फागुन ९ गते अवलोकन भ्रमण गर्ने गरेका भएपनि यस वर्ष भने मुलुकको राजनीतिक निकास र जटिलताको कारण सहभागी हुन नसकेको सन्देश आयोजकलाई पढाएका थिए । अध्यक्ष ओलीको निरन्तर अवलोकन भ्रमणकै कारण यहाँ तिव्र गतिमा विकास भएको सरोकारवालाहरुको भनाई छ ।
प्रतिक्रिया