चलचित्र पत्रकार संघको उपाध्यक्षमा शारदा थापाको उम्मेदवारी

दुुई दशअघिदेखि पत्रकारीता गरेकी सञ्चारकर्मी शारदा थापाले चलचित्र पत्रकार संघ नेपालको महिला उपाध्यक्ष पदमा उम्मेदवारी दिएकी छन् । थापाले रेडियो, टेलिभिजनका साथै छापा र अनलाईनमा काम गरेको अनुुभवकै आधारमा चलचित्र पत्रकार संघ नेपालको महिला उपाध्यक्ष पदमा उम्मेदवारी घोषणा गरेकी हुन । बहुुमुखी प्रतिभाकी धनी उनले रंगमञ्चलाई प्रमुख बीटका रुपमा कलम चलाउँदै आएकी हुन । सामाजिक सञ्जाल मार्फत आफु उपाध्यक्षमा उमेदवारी बारे स्पष्ट पारेकी छन् । र्

एता तिर हेरौ है
सूचना तथा संचारको क्षेत्रमा करिअर बनाउने लक्ष्य लिएदेखि नै मैले एफएम रेडियो हुदै टेलिभिजन तथा डिजिटल प्लेटफर्ममार्फत समेत चलचित्र पत्रकारिता गर्दै आइरहेको यहाँमा बिदितै छ । सोही क्रममा मैले चलचित्र पत्रकार संघ नेपालमा एक कार्यकाल कार्यसमिति सदस्यका रुपमा आफ्नो कर्तव्य र जिम्मेवार सफलता पूर्वक सम्पन्न गरेको पनि यहाँहरुलाई जानकारी नै छ । यसपाली,१७ फागुनमा सम्पन्न हुन गैरहेको चलचित्र पत्रकार संघ नेपालको नवौं महाधिवेशनमा मैले महिला उपाध्यक्ष पदमा उम्मेदवारी दिने निर्णय गरेको जानकारी गराउदै यहाँहरु सबैको साथ, सहयोग र हौसला प्राप्त गर्नेमा बिश्वस्त छु ।
मेरो यसकारण उम्मेदवारी…
१ चलचित्र (कला) पत्रकारिता फेशन नभै पेशाको रुपमा मार्यादित र ब्यवस्थित रुपमा अघि बढाउन पहल गर्ने ।

२ चलचित्र (कला) सम्बन्धी अडियो , भिडियो , छापा अनलाईन माध्यमबाट प्रकाशित सामाग्रीहरु सर्वाधिक पढिने, सुनिने र हेरिने गरिन्छ तर तिनै सामग्री तयार गर्ने संचारकर्मीहरुलाई हेर्ने नजर अन्य बिटका पत्रकारको दाँजोमा अझै नि दयनीय छ । यो स्थितिलाई हटाउन शसक्त रुपमा पहल गर्ने ।

३ महिला हिसा र दुर्ब्यबहार्को शिकार हरेक क्षेत्रमा कुनै न कुनै रुपमा बिध्यमान छ, पितृसतात्मक सोचको अन्त्य नभएकाले महिला पत्रकारले कार्यस्थलमा दुव्र्यवहार, अस्लिल शब्दको सामना जस्ता अनेकन समस्या भोगेरै काम गर्नु पर्ने बाध्यता छ । यसतर्फ सचेतना फैलाउन सक्दो प्रयास गर्ने छु ।

४ चलचित्र पत्रकारिताले मात्र जीवन धान्न नसकेर बिभिन्न बिटका पत्रकारिता सहित अन्य क्षेत्रमा काम गर्नुपर्ने, नभए पलायन हुनुपर्ने बाध्यताको अन्त्य गर्न ब्यावसायिक रुपमा चलचित्र पत्रकारिता अघि बढाउन पहल गर्ने छु ।

५ श्रमजीवी पत्रकार र चलचित्र पत्रकार संघ नेपालको हकहितको लागि देशैभरका पत्रकारहरुसंग समन्वय गरी दक्ष पत्रकार र समृद्ध पत्रकारिता गर्न र गराउन विशेष कार्ययोजनाहरु बनाउने छु ।