यती एयरलाइन्सका सबै उडान रद्द

यती एयरलाइन्सले जहाज दुर्घटनाको शोकमा सोमबार निर्धारित सबै उडान रद्द गर्ने निर्णय गरेको छ । एक सूचना प्रकाशित गर्दै कम्पनीले आपत्कालीन र उद्धार उडानबाहेक नियमित सबै उडान रद्द गरेको जनाएको हो ।

कम्पनीको नाइन एन एएनसी एटीआर ७२(५०० जहाज आइतबार पोखरा अन्तर्राष्ट्रिय विमानस्थलमा अवतरणका दौरान दुर्घटनामा परेको छ । दुर्घटनामा अहिलेसम्म ६८ जनाको मृत्यु भएको पुष्टि भइसकेको छ । सरकारले समेत सोमबार सार्वजनिक विदा दिने निर्णय गरेको छ । कुनै पनि औपचारिक कार्यक्रम नगर्ने निर्णय गरेको छ ।