काडमाडौं जिल्ला चन्द्रागिरी नगरपालिका वडा नम्बर १ दहचोकमा सञ्चालित ऋचा सह शिक्षा सदनले आफ्नो स्थापनाको ३३ औं अभिभावक दिवस मनाएको छ । विद्यालयमा एक विशेष समारोहका साथ आज विविध सांस्कृतिक कार्यक्रमसहित अभिभावक दिवस मनाएको हो ।
कार्यक्रममा यस विद्यालयबाट २०७६, २०७७ र २०७८ सालमा एसईई परीक्षा उत्र्तीण भएका विद्यार्थीहरुलाई बधाई, शुुभकामना एवम् विदाई गरिएको हो । विगतका वर्षहरुमा कोरोना महामारिका कारण कार्यक्रम हुन नसकेकाले यस वर्ष विदाई गरिएको विद्यालयका सञ्चालक नवराज खड्काले बताउनुुभयो ।
ऋचा विद्यालयका बालबालिकाबाट वृद्धाश्रमलाई सहयोग समेत गरेका थिए ।
यो विद्यालयका विद्यार्थीले एक महिना अघि शैक्षिक पर्दशनी समेत गरेका थिए ।
कार्यक्रममा चन्द्रागिरी नगरपालिकाका नगर प्रमुख घनश्याम गिरीले विद्यालयस्तरबाटै जीवन उपयोगी शिक्षामा सबै क्षेत्रले जोड दिनुपर्ने बताउनुुभयो । नगरप्रमुख गिरीले सबै निजी र सामुुदायिक विद्यालयले प्रदान गर्ने शिक्षालाई समानान्तर बनाउनुु पर्ने आवश्यकता भएको भन्दै सबै खाला शिक्षा क्षेत्रको विकृती र असमानताका लागी राज्यस्तरबाटै पहल हुनुुपर्ने धारणा राख्नुभयो ।
कार्यक्रमम स्वागत मन्तव्य राख्दै नगरपालिकाकी उपप्रमुख बसन्ती श्रेष्ठले अभिभावक, शिक्षक, विद्यार्थी र सरोकारवालको समन्वयमा शिक्षा क्षेत्रको विकास हुनेमा विश्वास व्यक्त गर्नुभयो । उहाँले यस नगरपालिकाका सबै विद्यालयमा सेनेटरी प्याड वितरण गर्ने योजना भएको समेत बताउनुुभयो । उहाँले आर्थिक अवस्था कम्जोर भएका कोही पनि बालबालिका शिक्षाबाट बञ्चित हुनुनपर्ने भन्दै बास्तविक समस्यामा रहेकालाई नगरपालिकाले सहयोग गर्ने स्पष्ट पार्नुभयो ।
कार्यक्रममा शिक्षा विकास तथा समन्वय इकाइ काठमाडौंका इकाई प्रमुख नन्दलाल पौडेलले विद्यालयले विदेश पलायन हुने जनशक्ति उत्पादन गर्नुभन्दा स्वदेशमा योगदान गर्ने शिक्षा दिई दक्ष जनशक्ति उत्पादन गर्नुपर्ने धारणा राख्नुुभयो । पौडेलले आफुुलाई ठूला निजी विद्यालयको रुपमा दावी गर्नेहरुले चर्को रकम लिएर विद्यार्थी विदेशपलायन गर्ने काममा मुख्य भूमिका खेलेको सत्यतालाई समेत स्पष्टसंग राख्नुुभयो । महगो रकम लिदैंमा शिक्षा गुणात्मक नहुने भन्दै स्थानीय परिवेश अनुरुपको व्यवहारिक र रोजगारीमुलक शिक्षा प्राप्त गर्नु अहिलेको मुख्य चुनौति रहेका स्मरण गर्नुभयो ।
विद्यालय व्यवस्थापन समितिका अध्यक्ष बाशुदेव थापाले सबैको निरन्तर सहयोग र सदभावकै कारण विद्यालयले ३३ वर्षदेखि सेवा दिएका बताउनुुभयो । उहाँले आगामी दिनहरुमा समेत सबै पक्षको साथ सहयोग र सल्लाह अनुरुप समय सापेक्षा शिक्षामा जोड् दिने समेत प्रतिवद्धता व्यक्त गर्नुभयो ।
कार्यक्रममा माओवादी केन्द्रका केन्द्रिय सदस्य, शंकर दुलाल, चन्द्रागिरी नगरपालिकाका शिक्षा, युवा तथा खेलकुद शाखा प्रमुख कर्ण बहादुर भुवाज, वडा नम्बर १ दहचोकका वडा अध्यक्ष हरिशरण थापा मगर, १ नम्बर वडाका पूर्व वडा अध्यक्ष राजेन्द्र केसी, विभिन्न वडाका अध्यक्ष तथा जनप्रतिनिधि, नेपाली कांग्रेस चन्द्रागिरी नगरपालिका सचिव जीवन गिरी, नेकपा एमाले वडा नम्बर १ का सचिव राजन गिरी, नेकपा माओवादी केन्द्र वडा नम्बर १ का अध्यक्ष गणेश गिरी, राजु रोक्का, सञ्चारकर्मी राष्ट्रिय जनमोर्चाका प्रतिनिधि रोशन दानी, विभिन्न सामाजिक क्षेत्रका व्यक्तित्वहरुको सहभागिता भएको थियो ।
कार्यक्रममा सबै कक्षाका विद्यार्थीले विशेष प्रतिभाहरु नृत्य, गायन, नाटक तथा बाध्यबाधन सम्बन्धी कला प्रस्तुत गरेका थिए । विद्यार्थीहरुले विभिन्न भौगोलिक परिवेश, रीतिरिवाज, कला साहित्य जातिय नधी भेषभूषामा प्रस्तुत गरिएको सांस्कृतिक कार्यक्रमलाई सबैले प्रशसा गरेका थिए ।
प्रतिक्रिया