नवलपरासीको व्यापारिक नगरी कावासोतीमा एक युवा ब्याबसायीले अब मोटरसाइकल, ई– रिक्सा, इन्भर्टर तथा सोलारमा प्रयोग हुने नयाँ प्रविधिको उच्च गुणस्तरिय जेल ब्याट्री र लिड एसिड ब्याट्री उत्पादन गरी नेपाली बजारमा उपलब्ध गराउने भएका छन् ।
विगत लामो समयदेखी कावासोतीमा अटो मोवाइल ब्याबसाय गर्दै आएका एक सफल युवा ब्याबसायी अमृत भुषालले यस सम्बन्धी उत्पादन प्रक्रिया पुरा गरिसकेको र छिट्टै उत्पादन गरी बजारमा पठाइने जानकारी गराए ।
हाललाई माया ब्रान्डका ब्याट्रीहरु उत्पादन गरी बजारमा लैजाने बताएका छन् । भुषालका अनुसार अत्याधुनिक प्रविधिबाट बन्ने जेल ब्याट्री र लिड एसिड ब्याट्री बजारमा पाइने सामान्य ड्राई ब्याट्री र एसिडिक ब्याट्री भन्दा धेरै टिकाउ, गुणस्तरिय र सुरक्षित पनि हुने जानकारी गराए ।
माया ब्रान्डका ब्याट्री दुईपाँग्रे र तीनपाँग्रे तथा अन्य साधनहरुमा प्रयोग हुने कम्पनीले जनाएको छ । कम्पनीका अनुसार दुईपाँग्रे, तथा इलेक्ट्रिक रिक्सामा प्रयोग हुने ब्याट्रीमा दुइ वर्ष र अन्यमा तीन वर्षको वारेन्टी उपलब्ध हुने र यी ब्याट्रीहरु मेन्टिनेन्स फ्रि हुनेछन् । कम्पनीले निकट भविष्यमा लिथियम आयन व्याट्री पनि उत्पादन गर्नका लागि अध्ययन गरिरहेको जनाएको छ ।
स्वदेशमा नै यसरी ब्याट्री उत्पादन गर्ने उनको प्रयासले देशकै जनशक्त्तीलाई रोजगारी दिने र आयातमा परनिर्भर हुनवाट केही टेवा पुग्ने देखिन्छ ।
प्रतिक्रिया