कलाकार जयनन्द लामाको सालिक निर्माण

स्वर्गीय गायक, कलाकार तथा सर्जक जयनन्द लामाको जन्मभूमि बाह्रबिसे नगरपालिका–३ धार्पाको थिङटोलमा १२ फिटको सालिक निमार्ण गरिएको छ । लामाको परम्परागत पोसाकमा डम्फु लिएर नाच्दै गरेको सालिक निमार्ण गरिएको हो ।

सालिक निमार्णका लागि बाह्रबिसे नगरपालिकाले ४ लाख, नुवाकोटको ककनी गाउँपालिका र आफन्तको सहयोगमा सालिक निर्माण गरेको हो । जयनन्द लामा स्मृति कोषले ८ लाख बजेटमा सालिक निमार्ण गरेको कोषका सदस्य प्रेम दोङले जानकारी दिनुभयो । बाह्रबिसे नगरपालिकाका मेयर बालकृष्ण बस्नेतले स्वर्गीय लामा नगरको गहना भएका कारण उहाँको सालिक निमार्णका लागि नगद सहयोग गरेको जानकारी दिनुभयो । लामाको गत वर्ष आफ्न्र घरमा कार भित्र निधन भएको थियो । उनका नेपाली समाजलाई प्रतिविम्व गर्ने थुपै गीतसंगीतहरु रहेका छन् ।
उनको शालीक अनावरणमा इन्द्रेणी सांस्कृतिक विकास केन्द्रका अध्यक्ष तथा इन्द्रेणी कार्यक्रमका सञ्चालक कृष्ण कंडेलसमेत पुगेका थिए । इन्द्रेणी कार्यक्रम मार्फत लामाको संगित क्षेत्रमा पुराएको योगदानका बारेमा चर्चा गरेका थिए ।