उच्चस्तरीय संयन्त्रको बैठकले मन्त्रालय टुंगो लगाउने

सतारुढ दलको उच्चस्तरीय राजनीतिक संयन्त्रको बैठक बोलाइएको छ ।

प्रधानमन्त्री एवम् नेकपा माओवादी केन्द्रका अध्यक्ष प्रचण्ड र नेकपा एमालेका अध्यक्ष केपी शर्मा ओलीबीच आज करिव ५ घण्टाको भेटवार्ता भए लगतै संयन्त्रको बैठक बोलाइएको हो । एमाले अध्यक्ष ओली संयोजक रहेको संयन्त्रमा सत्तारुढ दलका अध्यक्षहरु सदस्य रहेका छन् ।

संयन्त्रको बैठकले मन्त्रालयको भागबण्डा टुंगो लगाउने भएको छ । टुंगो लगाउन बाँकी विषयमा गृहकार्य भैरहेको जनाइएको छ । छिट्टै आवश्यक निर्णय हुने बताएका छन् ।
स्रोतका अनुसार सरकारमा सहभागी हुने दलहरुले पाउने मन्त्रालय संख्या लगभग टुंगिएको छ । साँझ बस्ने बैठकले मन्त्रालय टुंगो लगाउने नेताहरु बताएका छन् । आजै भएको दुुई अध्यक्षको भेटमा राष्ट्पति, उपराष्ट्पति, सभामुख, उपसभामुख लगायतका विषयमा छलफल भएको हो ।