सल्यानमा गोली लागि एक जनाको मृत्यु

सल्यानमा सिकार खेल्न गएका एक जनाको भरुवा बन्दुकको गोली लागेर मृत्यु भएको छ । जिल्लाको बनगाड कुपिण्डे नगरपालिका ९ स्वाराका अन्दाजी १६ वर्षीय चित्र बहादुर रावतको मृत्यु भएको जिल्ला प्रहरी कार्यालय सल्यानले जनाएको छ ।

सोमबार दिउँसो गाउँबाट झन्डै दुई किलोमिटर टाढा बाहुनका जङ्गलमा सिकार खेल्न जाँदा सोही ठाउँका अन्दाजी ४० वर्षीय आइते रावतले बोकेको बन्दुक एक्कासि पड्किदा घाइते भएका चित्र बहादुर घाइते भएका थिए ।

जिल्ला प्रहरी सल्यानका सूचना अधिकारी सन्तोष खनालले घाइते रावतको उपचारका लागि सुर्खेत लिँदै गर्दा बाटोमै मृत्यु भएको जानकारी दिनु भयो । उहाँका अनुसार बन्दुक बोकेका आइते रावत बन्दुक सहित फरार रहेको र उनको खोजी कार्य भइरहेको छ ।

मृतक चित्र बहादुरको शव पोस्टमार्टमका लागि सल्यान जिल्ला अस्पतालमा राखिएको प्रहरीको भनाई छ