२२ चैत्र २०८१, शनिबार |
Sat Apr 5 2025
ऋचा सह शिक्षा सदनको आयोजना तथा मनमोहन अस्पतालको सहकार्यमा एक दिने निःशुल्क स्वास्थ्य शिविर सम्पन्न भएको छ ।
चन्द्रागिरी नगरपालिकाका वडा नम्बर १ दहचोकमा सञ्चालित यस स्कुलमा सोही स्थानमा सञ्चालनमा आएको मनमोहन अस्पतालले विभिन्न सेवासहित निःशुल्क स्वास्थ्य सेवा दिएको हो ।
मनमोहन अस्पतालको प्राविधिक सहयोगमा बाल रोग, जनरल मेडिसिन, छालारोग, नाक, कान, घाँटी, दन्त चिकित्सा, स्नायु रोग, हाडजोर्नीको परिक्षण तथा निःशुल्क औषधी वितरण गरिएको हो । अस्पतालका क्लिनिक संयोजक तथा आर्थोपेडिक सर्जन डाक्टर आनन्दमणि उपाध्यायले विद्यार्थी, अभिभावक, शिक्षक र स्थानीयको निःशुल्क स्वास्थ्य परिक्षणका साथै औषधी वितरण गरिएको बताउनुभयो ।
शिविरमा झण्डै तीन सय जनाले सेवा लिनुभएको भन्दै डाक्टर उपाध्यायले आगमी दिनमा समेत समाजिक रुपमा यस्ता शिविरहरु सञ्चालन हुर्दै जाने अस्पतालको योजना रहेको बताउनुभयो । उहाँले ऋचा सह शिक्षा सदनमा अध्ययनरत विद्यार्थी, अभिभावक र शिक्षकलाई उपचारको सम्पूर्ण सेवामा अस्पतालबाट १५ प्रतिशत छुट हुने घोषणा गर्नुभयो ।
अस्पतालले महिनाको अन्तिम शुक्रबार बालरोग सेवा ऋचा सह शिक्षा सदन दहचोकमै आएर परिक्षण गर्ने भएको छ । विद्यालयले आगामी दिनमा स्वास्थ्य डेक्स स्थापना गरी स्वास्थ्यकर्मीसहितको शिक्षा दिने तयारीमा रहेको सञ्चालक नवराज खड्काले बताउनुभयो । जसका लागि आन्तरिक तयारी भैरहेको उहाँको भनाई छ । यस विद्यालयले शिक्षाका साथै संस्कार, सामाजिक कार्य र मानविय सेवामा सक्रिय रहदै आएको छ ।
यता भखर सुरुवाती चरणमा रहेको मनमोहन अस्पतालले ल्यावसेवा, भिडियो एक्से, एक्से, फारमेसी मुत्र सेवा, जनरल सर्जली, चरम रोग, स्त्री रोगलगायतका सेवा दिने अस्पताल प्रशासनले जनाएको छ । साथै अस्पतालले हाडजोर्नीको अप्रेशन समेत गरिसेको छ ।
अस्पतालका अध्यक्ष श्याम श्रेष्ठले सामाजिक संस्थाहरु सञ्चालनको लागि सामाजिक स्तरबाटै आवश्यक सहयोग र सदभाव जरुरी रहेको हुदाँ आपसमा हातेमालो गर्नुपर्ने धारणा राख्नुभयो । शिक्षा र स्वास्थ्य समाजका अनिवार्य सर्त भएकाले यी संस्थाहरुको दिगो विकास र सफलताको लागि समुदायस्तरबाटै साथ सहयोग जरुरी हुने उहाँले बताउनुभयो ।
निःशुल्क स्वास्थ्य शिविरमा समाज डेण्टल अस्पतालको समेत सहकार्य रहेको थियो ।
