अटिजम भएका बालबालिकाको सामाजिक सुरक्षा चुनौति र भावी दिनमा अपनाउनुपर्ने सुरक्षा व्यवस्था बारेमा छलफल भएको छ । चन्द्रागिरी नगरपालिका वडा नम्बर १२ बलम्बुमा महिला उत्प्रेरणा विकास मञ्चद्धारा सञ्चालित अटिजम केयर सेन्टरमा अटिजम भएका बालबालिको सुरक्षा रणनीति, भावी सुरक्षाका योजना तथा अटिजम बारेमा जनसचेतना जगाउने विषयमा छलफल भएको हो ।
कार्यक्रममा प्रहरी वृत थानकोटका प्रमुख प्रहरी नायव निरिक्षक सूर्य प्रसाद सुवेदी, चन्द्रागिरी नगरपालिकाका नगर प्रहरी प्रमुख नरेन्द्र केसी र अटिजम केयर सेन्टर बलम्बुका बीच अटिजम सम्बन्धी बढ्दो समस्या, जसले गर्दा बालबालिका, घरपरिवार र समाजमा पर्ने सुरक्षा प्रभावका बारेमा छलफल भएको हो ।
जानकारीमुलक कार्यक्रममा बालबालिकाको बारेमा जानकारी, पहिचान, अटिजम भएका बालबालिका विद्यालय, घर, मेला तथा बजारबाट हराएमा कसरी खोजतालस गर्ने, उनीहरुको आनीबानीको बारेमा सुरक्षा निकायसंग अनुभव आदानप्रदान भएको हो । कार्यक्रममा अटिजम केयर सेन्टर बलम्बुक सञ्चालिका गीता घिमिरेले अटिजमका बारेमा अन्तराष्टिय, राष्टिय तथा चन्द्रागिरी नगरपालिकामा उनीहरुको अवस्था देखि अटिजम केयर सेन्टरमा सिकाईरत बालबालिकाको बारेमा जानकारी गराउनुभयो । उनीहरुको सञ्चार समन्वयको अभावले हुन सक्ने सुरक्षा खतरा तथा अवस्थाको बारेमा जानकारी गराईएको हो ।
कार्यक्रममा प्रहरी नायव निरिक्षक सूर्य प्रसाद सुवेदीले अटिजम सम्बन्धी जानकारी र बालबालिकाहरुका बारेमा नजिकबाट जानकारी प्राप्त गर्ने अवसर मिलेकाले उनीहरुको सुरक्षामा नेपाल प्रहरी सदैव तत्पर रहने प्रतिवद्धता व्यक्त गर्नुभयो । अटिजम बालबालिकालाई आगामी दिनमा सुरक्षित राख्न जिपिएस प्रणाली मार्फत आवद्ध गरिएमा खोजतला तथा उद्दारमा थप सहयोग मिल्ने सक्ने भन्दै यस क्षेत्रमा काम गर्ने व्यक्तित्वहरुले सम्बन्धित निकार्यलाई सुझाव दिई रहनुपर्ने बताउनुभयो ।
सरकारी स्तरबाट अटिजम भएकाहरुलाई अहिलेसम्म विशेष शिक्षाको व्यवस्थापन गर्न सकेको छैन । जसले गर्दा अटिस्टिक परिवार निकै मर्कामा परेका छन् ।
कार्यक्रममा आगामी दिनमा सारोकारवाला निकार्य गम्भीर भएर यस क्षेत्रका समस्या समाधान गर्नमा लाग्नुपर्ने बताएका थिए ।
कार्यक्रममा नगरप्रहरी प्रमुख केसीले अटिजम बारेमा विस्कतृ रुपमा जानकारी प्राप्त भएको भन्दै आगामी दिनमा उनीहरुको सुरक्षामा आफुहरु लागी पर्ने बताउनुभयो ।
सामाजिक सुरक्षा शाखाकी वरिष्ठ शाखा अधिकृत रक्ष्मी श्रेष्ठ, युवा तथा खेलकुद शाखाका बरिष्ठ विद्यालय निरिक्षक बुद्धिप्रसाद भट्ट, सामाजिक शाखा अधिृकत सीता पोखरेल खनाललगायतको सहभागिता रहेको थियो । उहाँहरुले शिक्षा र सिकाईका प्रक्रियामा अटिजम भएका बालबालिकाको विकासका लागि आफुहरु सर्देव सहयोगी भूमिकामा रहीरहने प्रतिवद्धता व्यक्त गर्नुभयो ।
यसैबीच यस सेन्टरको अवलोकनका लागि राष्ट्रिय समाजसेवी तथा नगरपालिकाका प्रमुख सल्लाहकार प्रा.डा. जगदीश बैद्य, जे.भी. फाउन्डेसन नेपालको राष्ट्रिय समिति अध्यक्ष देवी माया सुनुवार, सचिव रोजिना गुरुङ, ई. रामबाबु सिंहलगायतले सम्र्पूण महिला अटिस्टिक परिवारले सञ्चाालन गरेको अटिजम केयर सेन्टरमा अवलोकन गर्नुभएको थियो । उहाँहरुले अवलोकनका क्रममा महिलाहरुले थालेको प्रयास निकै सहानिय भएको बताउनुभयो ।
उहाँले आगामी दिनमा आफुहरुको समेत साथ र सहयोग रहने प्रतिवद्धता व्यक्त गर्नुभयो । अनुभवी सामाजिक व्यक्तित्वहरुको आगमनसंगै विशेष सल्लाह, सुभाव एवम् हौसला प्रदान गर्नुभएकोमा थप प्रेरणा मिलेको अटिजमकी सञ्चालिका घिमिरेले बताउनुभयो ।
जेभी फाउन्डेसनले देशैभरका सरकारसंग सहकार्य गरी काम गरेको छ । सबै पालिकामा धार्मिक मठ, मन्दिर, संरक्षण गर्ने गराउने, गुरुकुल, अटिजम भएका बालबालिका, अपांगता भएका बालबालिका, अनाथ असहाय मानवलाई आर्थिक तथा भौतिक सहयोग गर्ने गराउने कार्य निकै प्रशंसनीय छ ।
प्रतिक्रिया