दहचोकको मनमोहन अस्पतालमा फिजियोथेरापी सुरु (भिडियोसहित)

मनमोहन अस्पताल दहचोकमा फिजियोथेरापी सेवा सुरु भएको छ । चन्द्रागिरी नगरपालिका वडा नम्बर १ दहचोकमा सञ्चालित मनमोहन अस्पतालले अत्याधुनिक सुविधासहितको फोजियोथेरापी सेवा सुरु गरेको हो । आजबाट सुरु भएको यस सेवा बिहान ७ बजेदेखि बेलुका ७ बजेसम्म लिन सकिने फिजियोथेरापिष्ट डा. अजयकुमार साहले जानकारी दिनुभयो । अब केही दिनमा प्रस्तुती सेवा समेत सुरु गर्न लागेको अस्पतालमा आकस्मिक सेवा समेत रहेको छ ।

मनमोहन अस्पतालले बाल रोग, जनरल मेडिसिन, छालारोग, नाक, कान, घाँटी, दन्त चिकित्सा, स्नायु रोग, हाडजोर्नीको परिक्षण जस्ता सेवा दिदै आएको छ । अस्पतालका क्लिनिक संयोजक तथा आर्थोपेडिक सर्जन डाक्टर आनन्दमणि उपाध्यायले अस्पतालले स्वास्थ्य परिक्षणका साथै उपचारमा आफुहरुले सेवा दिर्दै आएको भन्दै आगामी दिनमा टमा सेवा समेत सुरु गर्ने बताउनुभयो ।

डाक्टर उपाध्यायले यस अघि समेत ऋचा सह शिक्षा सदनमा अध्ययनरत विद्यार्थी, अभिभावक, शिक्षक र स्थानीयका लागि निःशुल्क स्वास्थ्य शिविर सञ्चालन गरेको जनाउनुभयो ।
यता भखर सुरुवाती चरणमा रहेको मनमोहन अस्पतालले ल्यावसेवा, भिडियो एक्से, एक्से, फारमेसी मुत्र सेवा, जनरल सर्जली, चरम रोग, स्त्री रोगलगायतका सेवा दिने अस्पताल प्रशासनले जनाएको छ । साथै अस्पतालले हाडजोर्नीको अप्रेशन समेत गरिसेको छ ।