२२ चैत्र २०८१, शनिबार |
Sat Apr 5 2025
ऋचा सह–शिक्षा सदन चन्द्रागिरी नगरपालिका–१ दहचोकका विद्यार्थीले मातातिर्थ वृद्धाश्रमलाई सहयोग गरेका छन् । शनिवार विद्यालयले आयोजना गरेको फुड फेस्टिवलमा जम्मा भएको रकमबाट विद्यार्थीले आइतबार वृद्धाश्रममा बसोवास गर्नेहरुका लागि खाद्यन्न सहयोग गरेका हुन । कक्षा ८ र ९ मा अध्ययन गर्ने बालबालिकाहरुले शनिवार विद्यालयमा आयोजित कार्यक्रममा आफ्नै सिप र क्षमतको प्रयोग गरि विभिन्न प्रकारका खाजा बनाएका थिए ।
सोही विक्रीबाट प्राप्त भएको ११ हजार रुपैयाँमा पुनः रकम थप गरी वृद्धाश्रमलाई सहयोग गरी मानविय कार्य गरेका हुन । विद्यालयका प्रमुख नवराज खड्काले विद्यार्थीले विद्यालयमा आयोजित कार्यक्रममा आफ्नो कला र सिप देखाउनुका साथै प्राप्त गरेको रकमबाट मानविय सेवामा लाग्न उत्प्रेरणा मिल्नु निकै सकरात्मक भएको प्रतिक्रिया दिनुुभएको छ ।
सानै उमेरदेखि मानविय सेवाभाव प्राप्त हुनु समाजका लागि अनुकरणिय भएको भन्दै प्रशंसा गरेका हुन । यता मातातिर्थ वृद्धाश्रम समितिले समेत कलिला बालबालिकाको सामाजिक कार्यको उच्च प्रशंसा गर्दै विद्यालय परिवार, अभिभावक र विद्यार्थीलाई आगामी दिनमा समेत यस्तै कार्यमा लाग्न प्रेरणा मिल्दै जाओस भन्दै विशेष धन्यवाद दिएका छन् ।
विद्यालयले शनिवार चित्रकला, साइन्स डेमो, फुुड फेस्टिवल र सांस्कृतिक कार्यक्रम प्रदर्शन गरेको थियो । सो कार्यक्रममा अतिथि तथा अभिभावकहरुलाई स्वयम् विद्यार्थीले खानाका विभिन्न परिकार आफै बनाएर खुवाउनुका साथै विक्री समेत गरेका विद्यालय प्रशासनले जनाएको छ ।
विद्यालयको सामाजिक र उद्यमशिलता सम्बन्धी सिपको अभिभावक तथा अतिथिहरुले समेत उदाहरणीय कार्यको रुपमा व्याख्या गरेका थिए ।
शनिवार भएको कार्यक्रम भिडियोमा …
