जिम्बाब्वे विरुद्धको दोस्रो टी–२० शृंखलामा भारत सय रनले विजयी

जिम्बाब्वे विरुद्धको दोस्रो टी–२० शृंखलामा भारत विजयी भएको छ ।शृंखलाको पहिलो खेलमा १३ रनले पराजित भएको भारतले दोस्रो खेलमा २३४ रन बनाएको थियो । २३५ रनको लक्ष्य पछ्याएको जिम्बाब्वे १३४ रनमा समेटियो । जिम्बाब्वेविरुद्ध भारतको सय रनले जित अहिलेसम्मकै ठूलो अन्तर हो ।
यसअघि सन् २०१८ मा भारतले अस्ट्रेलियालाई सय रनले पराजित गरेको थियो । खेलपछि भारतीय टिमका कप्तान शुभमन गिलले विजयी लयमा फर्किन पाउँदा निकै सुखी लागेको बताए । पहिलो खेलमा दबाब सम्हाल्न नसकेको उनले बताए । टस जितेर ब्याटिङ गरेको भारतले बलियो सुरुवात गरेको थियो ।
शुभमन सुरुमै आउट भएपछि अभिषेक शर्माले ४७ बलमा शतक बनाएका थिए । रुतुराज गायकवाडले ४७ बलमा ७७ रन र रिंकु सिन्हालेले २२ बलमा ४८ रन बनाएका थिए । दुबै टोलीले श्रृंखला जित्ने दाबी गरेका छन् ।