युरोकपको सेमिफाइनल खेल आज रातिबाट सुरु हुँदै छ । पहिलो सेमिफाइनलमा आज राति स्पेन र फ्रान्स भिड्ने छन् । खेल नेपाली समय अनुसार राति पौने १ बजे जर्मनीमा सुरु हुनेछ । स्पेन चौथो पटक र फ्रान्स तेस्रो पटक युरो च्याम्पियन बन्ने दाउमा रहेका छन् । जारी प्रतियोगितामा युवा बाहुल्य रहेको स्पेन सबैभन्दा बढी गोल गर्ने टिम हो ।
जारी प्रतियोगितामा स्पेनले शतप्रतिशत जित निकालेको छ । स्पेनले पाँच खेल जित्ने क्रममा ११ गोल गरिसकेको छ । त्यस्तै स्पेनले दुई गोल मात्र खाएको छ । फ्रान्सले सेमिफाइनल पुग्ने क्रममा अहिलेसम्म अपेक्षाकृत प्रदर्शन गर्न सकेको छैन । फ्रान्सले दुई गोल आत्मघाती रूपमा प्राप्त गरेको थियो । एक गोल किलियन एमबापेले पेनाल्टीमा गरेका थिए । फ्रान्स सबभन्दा कम गोल बेहोरेर अन्तिम चारमा पुगेको हो ।
अहिलेसम्म फ्रान्सले एक मात्र गोल बेहोरेको छ । स्पेन चौथो पटक र फ्रान्स तेस्रो पटक युरो च्याम्पियन बन्ने दाउमा रहेका छन् । स्पेन र फ्रान्स बीचको विजेताले दोस्रो सेमिफाइनल खेल्ने इंग्ल्यान्ड र नेदरल्यान्ड्सको विजेतासँग उपाधिका लागि खेल्नेछ ।
प्रतिक्रिया