पहिरोका कारण रुकुममा एकजनाको ज्यान गयो ,तीन जना घाइते

गएराति पहिरो जाँदा रुकुम पूर्वमा एकजनाको ज्यान गएको छ भने तीन जना घाइते भएका छन् । 

सिस्ने गाउँपालिका–२ दल्लुगैरामा सोमबार राति पहिरो जाँदा गोठमा सुतिरहेका वडा नं १ का कर्णबहादुर बुढाको परिवारकाचारजनालाई बगाएकामा ११ वर्षीय सरगम बुढाको मृत्यु भएको हो । 

जिल्ला प्रहरी कार्यालय रुकुम पूर्वका सूचना अधिकारी एवम् प्रहरी निरीक्षक हरिप्रसाद भट्टराईले बालकका बुबा ४० वर्षीय बुढा, आमा३८ वर्षीया गम्मा बुढा र बहिनी ९ वर्षीया तिलसरा बुढाको अवस्था गम्भीर रहेको जानकारी दिए । 

 उनीहरूलाई उपचारका लागि रुकुमकोट पठाईएको प्रहरीले जनाएको छ ।