गाजामा युद्धविराम सम्झौताका लागि इजराइली प्रतिनिधिमण्डलसँग छलफल,ठूलो क्षति हुँदा पनि युद्धविराम अनिश्चित

अमेरिका र इजिप्टले गाजामा युद्धविराम सम्झौताका लागि छलफल गरेका छन् ।

इजिप्टका राष्ट्रपति अब्देल फतह अल सिसी र अमेरिकी सीआइएका निर्देशक विलियम बन्र्सबीच छलफल भएको हो । अमेरिका र इजराइली प्रतिनिधिमण्डलले पनि गाजा युद्धविराम प्रयासबारे छलफल गरेका छन् ।

मध्यस्थकर्ताहरू इजिप्ट र कतार गाजाका लागि युद्धविराम र बन्धकहरूको रिहाइको सम्झौतासम्म पुग्ने उद्देश्यले महिनौँदेखि वार्तामा छन् । इजराइली आँकडाअनुसार दक्षिणी इजराइलमा हमासले अक्टोबर ७ मा आक्रमण गर्दा एक हजार एक सय ९५ मानिसको मृत्यु भएको छ । हमासका लडाकूहरूले उक्त आक्रमणका क्रममा २५१ जनालाई बन्धक बनाएका छन् । तीमध्ये ११६ जना गाजामा रहेका छन् ।

इजरायली सेनाका अनुसार गाजामा बन्धक बनाइएकामध्ये ४२ जना मारिएका छन् । हमासद्वारा सञ्चालित क्षेत्रको स्वास्थ्य मन्त्रालयका अनुसार हमासविरुद्ध इजराइलको जवाफी आक्रमणमा अधिकांश सर्वसाधारणसहित कम्तीमा ३८ हजार २४३ जनाको मृत्यु भएको छ ।