श्रीमती र २ वर्षे छोरालाई पेट्रोल छर्केर आगो

बाँके जिल्लाको कोहलपुर नगरपालिकामा एक युवकले आफ्ना छोरा र पत्नीलाई आगो लगाएका छन् । कोहलपुर–१ िस्थत शत्तिनगर बस्ने ३२ वर्षीय भानुभक्त बिकले पत्नी गंगा बिक र २ वर्षका छोरा प्रिन्सलाई पेट्रोल छर्केर आगो लगाएका स्थानीयले बताएका छन् ।

बुवाले लगाएको आगोले जलेर प्रिन्सको गएराति नै मृत्यु भएको बाँके प्रहरीले जनाएको छ । आइतबार राति १ बजे उपचारको क्रममा नाबालकको मृत्यु भएको थियो । गंगा बिकको घाँटी र ढाडमा जलेको छ । उनको नेपालगञ्ज स्थित भेरी अस्पतालमा उपचार हुँदै छ । आरोपीलाई भारत तर्फ भाग्दै गरेको अवस्थामा प्रहरीले पक्राउ गरेको छ । दिल्ली जाने बस चढेर भागेका भानुभक्तलाई गएराति पक्राउ गरिएको प्रहरीले जानकारी दिए ।
मुलुकमा पछिल्लो समय नियमित जसो यस्ता घट्दा दोहोरीएका भएपनि सम्बन्धीत निकाय रोकथाममा गम्भीर हुन सकेको छैन ।