कोपा अमेरिका फुटबल प्रतियोगिताको उपाधि अर्जेन्टिनाले जित्यो

कोपा अमेरिका फुटबल प्रतियोगिताको उपाधि अर्जेन्टिनाले जितेको छ । कोलम्बियालाई १–० गोलले हराउँदै अर्जेन्टिनाले उपाधि जितेको हो ।

कोलम्बियाविरूद्धको फाइनल खेलमा अर्जेन्टिनाका फरवार्ड लिओनल मेसीले चोटका कारण पूरा समय खेल्न सकेनन् । दोस्रो हाफमा उनी मैदान बाहिरिए पछि निकोलास गोन्जालेज मैदान छिरेका थिए । मैदान बाहिरिए सँगै मेसी निकै भावुक बनेका थिए ।

निर्धारित ९० मिनेटको खेल गोल रहित बराबरीमा सकिएको थियो । मेसीले तीन वर्षमा तेस्रो उपाधि जिताएका छन् । मेसीले पछिल्लो कोपा र विश्वकपको उपाधि पनि जिताएका थिए ।