२२ चैत्र २०८१, शनिबार | Sat Apr 5 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

धर्म संस्कृति


समृद्ध नेपालको आकांक्षा पूरा भएमा मात्र शहीदप्रति सच्चा श्रद्धाञ्जली हुनेछ : मुख्यमन्त्री रावल



सुदूरपश्चिम प्रदेशका मुख्यमन्त्री राजेन्द्रसिंह रावलले समृद्ध नेपाल, सुखी नेपालीको राष्ट्रिय आकांक्षा पूरा गर्न सकेमा शहीदप्रति सच्चा श्रद्धाञ्जली हुने बताएका छन् ।

शहीद दिवसको अवसरमा सोमबार सन्देश जारी गर्दै मुख्यमन्त्री रावलले राष्ट्र निर्माणका क्रममा ज्यानको आहुती दिने ज्ञात अज्ञात शहीदप्रति भावपूर्ण श्रद्धाञ्जली अर्पण गर्दै उनीहरुका सपना पूरा गर्न एकताबद्ध भएर लाग्नु पर्ने उल्लेख गरेका छन् ।

‘महान् शहीदहरुको त्यागद्वारा प्राप्त भएको संघीय लोकतान्त्रिक गणतन्त्रात्मक शासन व्यवस्थाको माध्यमद्वारा समृद्ध नेपाल, सुखी नेपालीको राष्ट्रिय आकांक्षा पूरा गर्नेतर्फ अग्रसर हुनु नै शहीदप्रतिको सच्चा श्रद्धाञ्जली हुने विश्वास लिएको छु,’ रावलले जारी गरेको सन्देशमा भनिएको छ ।

उनले शहीदहरुको बलिदानीलाई उच्च मूल्याङ्कन गर्दै सामाजिक न्यायसहितको समतामूलक र सभ्य समाज निर्माण गर्ने सपनालाई साकार बनाउन सबै एकताबद्ध भएर अघि बढ्नुपर्ने आवश्यकता समेत औल्याएका छन् ।

प्रकाशित मिति : १६ माघ २०७९, सोमबार  १२ : १६ बजे