चीनको जिगोङ शहर स्थित एक डिपार्टमेन्टल स्टोरमा आगलागी, १६ जनाको मृत्यु

दक्षिणी चीनको जिगोङ शहरमा एक डिपार्टमेन्टल स्टोरमा भएको आगलागीमा १६ जनाको मृत्यु भएको छ । सिचुवान प्रान्तको जिगोङ शहरमा १४ तले भवनमा रहेको डिपार्टमेन्टल स्टोरमा भएको आगलागीमा अरु कैयौँ मानिस घाइते भएका छन् ।

आगलागीमा परेका झण्डै ३० जनालाई उद्धार गरी अस्पताल भर्ना गरिएको छ । आगलागी पछि प्रान्तीय अधिकारीले आगलागीको कारण पत्ता लगाउने र भविष्यमा आगलागी रोकथामका लागि आवश्यक काम भइरहेको बताएका छन् ।

चीनमा आगलागीबाट मानवीय क्षतिका घटना धेरै हुने गरेका छन् । गत जनवरीमा दक्षिण–पूर्वी चीनको एक घरमा भएको आगलागीमा ३९ जनाको मृत्यु भएको थियो ।